Skanda Kumara Sahasra Namawali - ස්කන්ධ කුමාර සහස්‍ර නාමාවලී

Skanda Kumara Sahasra Namawali by M. M. Rohana Wasantha

© M. M. Rohana Wasantha

ශ්‍රී නාරද ගණේෂ යන්ත්‍රය

මෙම යන්ත්‍රය ශ්‍රී නාරද මුණි විසින් නිර්මිත එකක් වන අතර ළමයින්ගේ අධ්‍යාපන කටයුතුවලට ඇතිවන මන්දගාමී සිතිවිලි කම්මැලිකම් මගහැරවීම සඳහා භාවිත කළ හැකි එකකි.

මෙය භාවිත කිරීම සම්බන්ධව තොරතුරු දැන ගැනීමට අවශ්‍ය කෙනෙක් වේ නම් අමතන්න.

© M. M. Rohana Wasantha 0714161082

ග්‍රහ අපල සඳහා ප්‍රායෝගික යාතුකර්ම මිණුම් දඩු

ජගන්නාථ හෝරා 7.66 වෛදික ජ්‍යෝතිර්විද්‍යා පරිගණක මෘදුකාංගය පිළිබඳව 

අප විසින් ඔබ වෙත පිරිණමන ලද

 DESTINY පරිගණක මෘදුකාංගය සහ විධාන සැකසුම SOURCE CODE : ජගන්නාථ හෝරා පරිශීලන උපදෙස් කාණ්ඩය නමැති කෘතිය පළ කිරීමෙන් අනතුරුව අප වෙත තවත් ප්‍රශ්නයක් යොමු විය.

‘ඔබ ජගන්නාථ හෝරා මෘදුකාංගය හැසිරවීම කෙසේ කළ යුතු ද යන්න පිළිබඳව සිංහල කියවන පාඨකයින්ට සිංහලෙන් කෘතියක් පල කළා. නමුත් එය තේරුම් ගැනීමට ජ්‍යෝතිර්විද්‍යාව පිළිබඳ දැනීමක් යම් පමණකට අවශ්‍ය වෙනවා. කෙසේ හෝ වේවා යමෙකු මෙම මෘදුකාංගය පරිහරණය කළා වුවත්, ඒ මගින් දැන ගන්නා ග්‍රහ දුබලතාවන්ට පිළියම් යෙදීම පිළිබඳ ශාස්ත්‍රීය කතිකාවේ යථාර්තවාදී භාවිතය කෙසේ සිදු කළ යුතු ද යන පැණයට විසඳුමක් දෙන්නේ කෙසේද?‘

මෙම පැණයට දිය හැකි එකම විසඳුම නම් ඒ පිළිබඳ තවත් කෘතියක් වෙනමම පළ කළ යුතු වීමයි. 

මේ පිළිබඳ නව දිල්ලියේ ජන්පත්හි, සාගර් ප්‍රකාශකයින් විසින් පළ කරන ලද ආචාර්ය එල්. ආර්. චෞද්රි මහතා විසින් රචනා කරන ලද Practical Remedial Measures (based On Astrology) නැමති කෘතිය සහ පී. ටී. සන්ජේ රාත් මහතා විසින් රචිත සහ Vedic Remedies in Astrology නමැති කෘතිය යන කෘති දෙක ඉතාමක් ප්‍රායෝගික හා ප්‍රශස්ථ මට්ටමේ පවතින කෘතීන් බව ප්‍රත්‍යක්ෂ වී ඇත.

ඒ අනුව එම කෘති දෙක ගුරුතන්හි තබා නවතම කෘතියක් ඔබ වෙත ඉදිරිපත් කිරීමට මෙසේ අදහස් කර ඇති බවත් අදාළ ප්‍රකාශකයින්ගේ අවසරය නිසි පරිදි ලබාගෙන එම කෘතිය නොබෝ දිනකින් කේන්දර සිංහලෙන් පාඨක ඔබ සුරතට පත්කිරීමේ අභිලාෂයෙන් පසුවන බව සොම්නසින් දන්වා සිටිමි.

© M. M. Rohana Wasantha

පිතෘ දෝෂ හා පිතෘ දෝෂ බලපාන ආකාරය

පිතෘ දෝෂ ඇතිවන ආකාර කිහිපයක් දැකගත හැකිය. අපගේ මුතුන්මිත්තන් අතර වූ හා අපගෙන් වෙන්ව ගිය පිය පස පිරිමි පාර්ශ්වයේ ඥාතීන් පහත දැක්වෙන හේතූන් නිසා ශාන්තිය නොලද අවස්ථාවන්හි දී ඇති කර ගනු ලබන තත්වයන් නිසා මෙසේ වූ පිතෘ දෝෂ ඇති වන බව විවිධ පුරාණ ග්‍රන්ථයන්ට අනුව පැහැදිළි කර ගත හැකිය.

1.     එකී මුතුන් මිත්තන් පූර්ව ආත්මභාවයන්හි දී දැනුවත්ව හෝ නොදැනුවත්ව කරන ලද අයහපත් ක්‍රියාවන් හේතුවෙන්

2.     මුතුන් මිත්තන් කෙරෙහි දරුවන්ගේ පැත්තෙන් දැනුවත්ව හෝ නොදැනුවත්ව සිදු වූ අයහපත් ක්‍රියාවන් හේතුවෙන්

3.     මුතුන් මිත්තන්ගේ ආශාවන් දරුවන් කෙරෙන් ඉටුකරගත නොහැකි වූ අවස්ථාවන් හේතුවෙන්

4.     මුතුන් මිත්තන්ට පූර්ව ආත්මභාවයන්හි දී ඇති වූ හදිසි හා අස්වාභාවික මරණ හේතුවෙන්

5.     මුතුන් මිත්තන්ගේ දේපල හා ඇගයුම් පද්ධතීන් කෙරෙහි දරුවන් දක්වනු ලබන නොසැලකිල්ල

හත්මුතු පරම්පරාවක (පරම්පරා හතක) පියපසින් හා මව් පසින් පරම්පරා හතරක කර්ම මත පිතෘ දෝෂ ඇතිවිය හැකි බවත් ඒ හේතුකොට කුඩා කාලයේ දීම දරුවන් හදිසි හා අස්වාභාවික තත්වයන් නිසා මිය යාම සිදුවිය හැකි බවත් පුරාණ ග්‍රන්ථයන්හි දැක්වෙයි.

ඇතැම් විටෙක අපගේ මුතුන්මිත්තන් අපගේ පවුලේ ඥාතීන්ම නොවන අවස්ථාවන් ද දැකගත හැකිය. අපගේ ගුරුවරු, උපදේශකයින්, කාර්ය දර්ශකයින්, මිතුරන්, රැක බලාගන්නන් හො මොනයම් ආකාරයකින් හෝ අපගේ ජීවිතය සාර්ථක කරගැනීමට, වර්ධනයට අවශ්‍ය වන්නා වූ සම්පත් දායකත්වයෙන් පෙර භවයන්හි අප හා එක් වූවෙක් විය හැකිය. ඒ අනුව මෙහිදී පෙන්වා දෙන්නේ එම පුද්ගලයන්ගේ ජීවිත පෙරෙහි ඔවුන්ගේ දර්ශනයන් කෙරෙහි හා ඔවුන්ගේ විශ්වාස ඇගයුම් පද්ධතීන් කෙරෙහි අප වෙතින් ගෞරව දැක්වීම ඔවුහු අපේක්ෂා කරනු ලබන තත්වයක්ව පවතින බවත් ඒවා ඉටු නොවන අවස්තාවන්හි දී අප කෙරෙහි පිතෘ දෝෂ ඇතිවීමට හේතුවන බවත් කිව යුතුය.

යමෙකු පිතෘ දෝෂයකින් පෙළෙන බව අප හඳුනාගන්නේ කෙසේද?

වෛදික ජ්‍යෝතිෂ ශාස්ත්‍රය ඇසුරෙන් මෙය හඳුනාගත හැකිය. වෛදික ජ්‍යෝතිෂයට අනුව රවි හා සඳු ග්‍රහයින් රාහු කේතු යන ග්‍රහයින්ගෙන් පීඩාවට පත්ව තිබීම මත එය හඳුනාගත හැකිය.

රවි හා රාහු ග්‍රහයින් 9 වැන්නේ දී සම්බන්ධ වී සිටීම යමෙකු හට පිතෘ දෝෂ ඇති බව හඳුනාගැනීමට හැකියාව ඇත.

9 වැන්න පියා නියෝජනය කරයි. රවි ග්‍රහයා නිසර්ග පිතෘකාරක ග්‍රහයා වශයෙන් හඳුනාගත හැකිය. එසේම වර්ධනය, වෘද්ධත්වය, උසස්වීම් සහ ආධ්‍යාත්මික තත්වයන් සඳහා ද නිසර්ග කාරකත්වය දරන්නේ රවි ග්‍රහයාය. ඡායා ග්‍රහයෙකු වන රාහු ග්‍රහයාගේ සම්බන්ධතාවක් මත 9වැන්නේ දී රවි ග්‍රහයා පීඩාවට පත් වුවහොත් යමෙකු හට ඔහුට හෝ ඇයට තම වාසනාව ලඟාකරගැනීම ප්‍රමාද වීමට හේතු වනු ඇත. කාර්ය සාධනයේ දී ඔහුට හෝ ඇයට ඉතා දැඩි වෙහෙසක් දැරීමට හේතුවන තත්වයක් මේ අනුව ඇතිවන බව දැකගත හැකිය.

වෛදික ජ්‍යෝතිෂයට අනුව මෙබඳු තත්වයන්ගෙන් දුර්වල වූවෙකු ප්‍රථමයෙන්ම තමා කාය වචී මනෝ කර්මයන්ගෙන් සංවරව තම කර්මයන් කෙරෙහි භක්තිවන්තව කටයුතු කිරීම අත්‍යාවශ්‍ය කරුණක් බව පෙන්වා දිය යුතුය. දෙවියන් පිදීම සඳහා තෝරාගත යුතු කාල වකවානුව වන්නේ වෛදික කැලැන්ඩරයට අනුව එළැඹෙන අස්විනී මාසයෙහි එනම් සැප්තැම්බර් 24 සිට ඔක්තෝබර් 07දක්වා වූ කාලයෙහි දී පැමිණෙන අමාවක තිථිය ලබන දිනයක දීය.

ඉදිරි ලිපියකින් සිදු කළ යුතු වතාවත් හා ක්‍රියාවන් කවරේදැයි සාකච්ඡා කරමු.

© M. M. Rohana Wasantha/ +94714161082/+94723430028

ජෛමිණි උපදේශ සූත්‍රයේ දැක්වෙන මරණකාරක ස්ථාන

ජෛමිණි උපදේශ සූත්‍රයේ දැන්වෙන අන්දමට කේන්දරයේ භාව දොළසට ඒ ඒ ග්‍රහයින් පැමිණ තැන්පත් වූ විට දී ඇති වන තත්වයක් වශයෙන් හඳුන්වා දී ඇති මරණකාරක ස්ථාන හඳුනාගන්න. රාව්‍යාදී නවග්‍රහයින් අදාළ ස්ථානවල තැන්පත් වූ විට දී එම භාවයට හා ග්‍රහයාට අදාළ ධර්මතාවන් මරණයට පත්වන බැවින් එම ස්ථාන මරණකාරක ස්ථාන වශයෙන් හඳුන්වයි. ඒවා මුලින්ම හඳුනාගන්න.

රවි - 12
චන්ද්‍ර - 8
කුජ - 4, 7
බුධ - 4*, 7 (* Jataka Parijata, Volume I, Adhyaya 2, (Grahakharupagunadhyaya), Shloka 52 & 72.)
ගුරු - 3
ශුක්‍ර - 6
ශනි - 1
රාහු - 9


ඇඩෝෆ් හිට්ලර්
සායි බාබා
පැමිලා ඇන්ඩර්සන් ආදීන්ගේ ගුරු ග්‍රහයා මරණකාරකස්ථාන ගත වී සිටි අතර ඔවුන්ගේ චරිතය හා බැඳි ධර්මතාවන් ප්‍රශ්නකිරීම්වලට භාජනය වූ බව ඔබ දන්නා කරුණකි.

ඔබගේ කේන්ද්‍රයේත් ග්‍රහයින් සිටිනා ස්ථාන අනුව ඔවුන් මරණකාරක ස්ථාන ගත වී සිටින්නේ දැයි නැවත බලන්න. මෙම මරණ කාරක ස්ථාන ගත වූ අදාළ ග්‍රහයින් වෙනුවෙන් වෙන වෙනම වූ ශාන්තිකර්ම පවතින බැවින් එකී ශාන්තිකර්ම සඳහා තම තමන්ගේ කේන්ද්‍ර සටහන් වෙන වෙනම පරීක්ෂා කර බලා මරණකාරක ස්ථාන ගත වූ ග්‍රහයින් සඳහා ශාන්තිකර්ම කළ යුතු වන්නේය.

© M. M. Rohana Wasantha/+94714161082

ඔබත් තවමත් උපන්දිනය සමරන්නේ Pope Gregory-XIIIගේ කැලැන්ඩරයට අනුවද?

ඔබත් තවමත් උපන් දිනය සමරන්නේ Pope Gregory XIII ගේ කැලැන්ඩරයට අනුව ද ? එසේ නම් නැවත සිතන්නට කාලය එළැඹ ඇත. 

ඔබේ කර්මය මත ගොඩනගන විපක ධාරාව ගලායන රටාව අනුව සැලකිල්ලට ගනිමින් ආත්මය හා සිත යන ජ්‍යෝතිර්විද්‍යාත්මක සංකල්ප මත ගොඩනැගෙන උපන්දිනයක් ඔබට ඇති බව ඔබ සිතුවාද? 

ඔබ උපන් වේලාවේ රවිගේ හා සඳුගේ පිහිටීම සලකා බලා තීරණය කරන චන්ද්‍ර දිනයක් ලෙස සලකන තිථිය පදනම් කරගෙන එම තිථිය යෙදුනේ සූර්යයා කවර රාශියක කිනම් භුක්තියක් වළඳිමින් සිටි අවස්ථවේ දැයි සොයා බලා ඒ කිනම් ග්‍රහයෙකුට අයත්ව තිබූ දිනයක් දැයි දිනාධිපතියා ද සලකා බලා මෙම උපන් දිනය තීරණය කරයි. 

මේ අනුව එය සම්මත කැලැන්ඩරයට අනුව සිදුවන්නක් නොවේ. එය ඔබ උපන් අවස්ථාවේ දී විශ්ව ග්‍රහ සිතියමේ පිහිටීම අනුව තීරණය කෙරෙන්නක් බැවින් මීලඟ වෛදික උපන් දිනය ඔබට යෙදෙන්නේ කවදාදැයි අපවෙතින් විමසා දැනගත හැකිය. 

එසේම ඒ අනුව කවර නම් වූ ආකාරයකින් මීලඟ තිථි ප්‍රවේශය තෙක් ඉදිරි වර්ෂය ඔබට ගෙවී යන්නේ දැයි මෙම වර්ෂයේ තිථි ප්‍රවේශයේ දී වූ විශ්ව ග්‍රහ සිතියම ඇසුරු කර සිදු කරන පලාඵල කථනයක් දැන ගැනීමට ඔබ අපේක්ෂාවෙන් පසුවන බව අපි දනිමු. 

එසේම ඔබගේ මීලඟ උපන් දිනය වන ඉදිරි වර්ෂයේ තිථි ප්‍රවේශය එළැඹෙන දිනය කවදාදැයි දැනගැනීමටත් ඔබ අපේක්ෂාවෙන් පසුවන බව ද අපි දනිමු.

එම ඔබගේ මීලඟ උපන් දිනය වන ඉදිරි වර්ෂයේ තිථි ප්‍රවේශය එළැඹෙන දිනයේ දී ඔබ විසින් අනුගමනය කළ යුතු කියා පිළිවෙත්, එළැඹිය යුතු දෙවි දේවතාවුන් හඳුනාගැනීම සිදු කළ යතු වන්නේය. 

තවද මේ අනුව ඉදිරි වර්ෂය සැලසුම් කර ගැනීම හා එහි පුරෝකථනය දැන ගැනීම සඳහා අප අමතන්න.

© M. M. Rohana Wasantha / +94714161082

සිද්ධාර්ථ ගෞතමයන් බුදුවීමේ දී ඇසතු ගසක් මුලට ගියේ ඇයි?...ඇනෝගේ චෝදනාවට පිළිතුරක්

ප.ලි

ඇතමුන් මෙම විග්‍රහය සමග එකඟ නොවීමට ඉඩ ඇති අතර මෙම ප්‍රකාශය සම්බන්ධයෙන් අප විසින් බුදුදහම විකුණාගෙන ජ්‍යෝතිෂය මාර්කට් කරන බවට චෝදනාවක් එල්ලවී ඇති බව ද සඳහන් කරන අතර සත්‍යය එකක් මිස කිහිපයක් නොවන බව බුදුන් වහන්සේම දේශනා කොට ඇති බවත් යහපත් දේය කුමක් වුවත් එහි පාට, හා ලේබල කවර නම් දෙයක් කරන්නේ ද යන්න මාලුක්‍යපුත්ත භික්ෂුවට වරක් දේශනා කළ බව සිහිපත් කරමි.

යම් අසාධ්‍ය රෝගයකට දෙන බෙහෙත කවර නම් ජන්මියෙකු විසින් දෙන්නේ ද යන්න වැදගත් නොවන අතර එහි දී රෝගයට පිළියම් වශයෙන් දෙනු ලබන බෙහෙත එකී රෝගයට පත්‍යාපත්‍යතාව පමණක් වැදගත් බවත් පෙන්වා දෙනු කැමැත්තෙමි.

බුදුන් වහන්සේ විසින් ජ්‍යෝතිෂය පිළිකෙව් කළා නම් ඒ මනුෂ්‍ය හැකියාවන් නිලීන කරන ජ්‍යෝතිෂය පමණි. මනුෂ්‍ය හැකියාවන් උද්ධීපණය කිරීමට බලපාන ජ්‍යෝතිෂය උන් වහන්සේ කිසිවිටෙකත් පිළිකෙව් නොකළ බව සිහිපත් කළ යුතුය. භික්ෂූන් වහන්සේලාට පවා විනයකර්ම කිරීමේ දී අවශ්‍ය වන පොහොය ලැබීමේ ගෙවීමේ දින ගණනය කර ගැනීම සඳහා ජ්‍යෝතිෂය දැන සිටීම අවශ්‍ය කරුණක් බව අනුදැන වදාරා ඇති බව සිහිපත් කළ යුතුය. එසේම කාම චරිත, මෝහ චරිත, ද්වේශ චරිත හඳුනාගැනීම සඳහා දිව්‍යමය ඥාන උපදවා ගනු නොලැබූ නායක භික්ෂුවකට තම ගෝල භික්ෂූන් වහන්සේලා හික්මවා ගැනීම සඳහා උපදෙස් දීමේ දී ඔවුන්ගේ චරිත ස්වභාවයන් හඳුනාගෙන උපදෙස් දීම සඳහා ජ්‍යෝතිෂය දැන සිටීමේ වරදක් නොවන බව පෙන්වා දිය හැකිය.

ශාසනය පිරිහීමට හේතුකාරක ක්‍රියා කරන යම් පුද්ගලයෙකු මහණ නොකිරීම ශාසනයේ උන්නතියට හේතුවන බව පෙන්වා දෙනු කැමති අතර එබඳු පුද්ගලයන්ගේ චරිත කළින් දැන, දැක ගැනීම භික්ෂුවකට ඉතාම අවශ්‍ය කරුණක් බව ද පෙන්වා දෙනු කැමැත්තෙමි. පන්සලට යම් කුල දරුවෙකු මහණ කිරීම සඳහා අතීතයේ භාරදෙනු ලැබූ අවස්ථාවන්හි ප්‍රථමයෙන්ම එම දරුවාගේ කේන්ද්‍ර සටහන සමගින් භාර දුන් බව අප හොඳින් දන්නා කරුණකි. පෙර ලංකාවේ විසූ වීදාගම, වෑත්තෑවේ හා තොටගමුවේ රාහුල, මුල්කිරිගල පන්සලේ පොඩි ස්වාමින් වහන්සේ වැනි ජ්‍යෝතිශ් ශාස්ත්‍රධාරී භික්ෂූන්ගේ ක්‍රියා කලාප බෞද්ධ සංස්කෘතියේ පෝෂණයට දක්වන ලද පිටිවහල දෙස බැලීමේ දී ඒ බව මොනවට සනාථ වන බව පැහැදිලි කරුණකි.

© M. M. Rohana Wasantha

සිද්ධාර්ථ ගෞතමයන් බුදුවීමේ දී ඇසතු ගසක් මුලට ගියේ ඇයි?

සිද්ධාර්ථ ගෞතමයන් බුදුවීමේ දී ඇසතු ගසක් මුලට ගියේ ඇයි? ද යන්න පිළිබඳ තොරතුරු විමසීමේ දී අපට පෙනී යන ජ්‍යෝතිර්වේදී කරුණු කිහිපයක් ඇත. එනම්, සිද්ධාර්ථ ගෞතමයන් වහන්සේ විසා නැකතෙන් උපත ලැබුවේ නම් නැකැත් වෘක්ෂයට හිමි සපු ගසක් යටට නොගොස් ඇසතු ගසක් යයට ගියේ යම් කරුණක් අනුවය.  සොළොස් හැවිරිදි වියේ දී ත්‍රිවේද පරප්‍රාප්ත වූ උන් වහන්සේ උගත් ජ්‍යෝතිර්වේදයේ කියැවෙන ජ්‍යෝතිෂ කරුණු ඉතා ප්‍රශස්ථ මට්ටමින් පිළිපැද ඇති බව ඉන් මනාව වැටහී යයි. එහිලා ඉස්මතුවන කරුණු මෙසේය.

• සිද්ධාර්ථ ගෞතමයන් වහන්සේගේ ජන්ම කේන්ද්‍ර සටහනට අනුව චන්ද්‍රයා තලා රාශියෙහිඅංශක 20ක් පසු කොට උපත ලබා තිබුණි
• චන්ද්‍රයා ගුරු හිමි විසා නැකතේ උපත ලබා තිබුණි.
• එසේම උන් වහන්සේගේ ජන්ම ලග්න රාශිය කටක රාශියෙහි පළමු අංශක 3 කලා 20ක් පසු කොට එළැඹි අංශක 13 කලා 20 තුළ පිහිටියේය. 
• එබැවින් ජන්ම ලග්නස්ඵුටයට හිමි නැකත වූයේ පුෂ නැකතයි. 
• පුෂ නැකතට හිමි වෘක්ෂය ඇසතු වෘක්ෂය වූ බැවින් උන් වහන්සේ ලොව්තුරු ඥානය උපදවා විශ්වීය ශක්තිය හා සමවැදීමට පහසුකාරක වූ ඇසතු ගසක් මුලටම ගොස් ඒ උතුම් පදවිය ලබාගත් සේක.
• මෙහි දී අට විසි බුදුවරුන් බුද්ධත්වයට පත්වීමේ දී ඇසතු වෘක්ෂයක් මුලට ගොස් බුද්ධත්වය ලබා තිබුනේ අප සිද්ධාර්ථ ගෞතමයන් වහන්සේ පමණි.
• අනෙක් බුදුවරුන් සම්බුද්ධ ඥානය ලැබීමේ දී ලොව්තුරු ඥානය උපදවා විශ්වීය ශක්තිය හා සමවැදීමට පහසුකාරක වූ වෙනත් වෘක්ෂ 27ක් යටට ගොස් ඒ තත්වයට පත් වූහ.

එබැවින් අපට පෙනී යන්නේ උප්පත්ති කේන්ද්‍ර යේ ජන්ම බාධක මගහරවා විශ්ව ශක්තීන් හා සමවැදීමට පහසුකාරක වෘක්ෂ කරා එළැඹීමේ දී උපන් ලග්න ස්ඵුටයට හිමි නැකතට අදාළ වෘක්ෂයක් වෙත යොමුවීම  වඩාත් ඵලදායක බවයි.

© M. M. Rohana Wasantha

ජ්‍යෝතිර් විද්‍යා පසු විපරම් වැඩමුළුවේ ... සැමරුම් සටහන්

බස්නාහිර පළාත් සෞන්දර්යය නිකේතනය මගින් පවත්වන ජ්‍යෝතිර්විද්‍යා සහතිකපත්‍ර පාඨමාලාව අධ්‍යයනයෙහි නියුතු විද්‍යාර්ථීන් උදෙසා බස්නාහිර පළාත් සෞන්දර්යය නිකේතනයේ දී 2012-01-19 වන සෙනසුරාදා දවස මුළුල්ලේ පවත්වන්නට යෙදුන ජ්‍යෝතිර් විද්‍යා පසු විපරම් වැඩමුළුවේ ... සැමරුම් සටහන්...

සෞන්දර්යය හා කලා විශ්වවිද්‍යාලයේ සමාජ මානවවිද්‍යා විෂය බාහිර කථිකාචාර්‍ය්‍ය,
යාතුකර්ම උපදේශන සේවයෙහි විධායක අධ්‍යක්ෂ,
ප්‍රවීණ ජ්‍යෝතීර්වේදී එම්. එම්. රෝහණ වසන්ත මහතා
සිය දේශනය මෙහෙයවමින් සිටියදී වීඩියෝගත කරන ලද ක්ලිපයකි.

෴ ශ්‍රී මහා ගණේෂ පඤ්චරත්නම්෴

Audio Source : http://www.vedamantram.com/

ක්‍රිෂ්තු වර්ෂ අටවන සියවසේ දී ශ්‍රී ශංකර භගවත් පාදයන් විසින් විරචිත

෴ ශ්‍රී මහා ගණේෂ පඤ්චරත්නම්෴

මුධාකරත්ත මෝධකම් සදා විමුක්ති සාධකම්

කලාධරාවතංසකම් විලාසි ලෝක රක්ෂකම්

අනායකෛක නායකම් විනාසිතේව දෛත්‍යකම්

නටාසුභාසු නාශකම් නමාමි තං විනායගම් ෴

නඨේතරාති භීකරම් නවෝදිතර්ක භාෂ්වරම්

නමත් සුරාරි නිර්ජරම් නටාදි කාප දුද්ධරම්

සුරේශ්වරම්, නිධීශ්වරම්, ගජේශ්වරම්, ගණේශ්වරම්

මහේශ්වරම් සමාශ්‍රයේ පරාත්පරම් නිරන්තරම් ෴

සමස්ථ ලෝක සංකරම් නිරස්ථ දෛත්‍ය කුඤ්ජරම්

දාරේදරෝදරම් වරම් වරේ භවක්ත්‍ර මක්ෂරම්

කෘපාකරම්, ක්ෂමාකරම්, මුදාකරම්, යයස්කරම්

නමස්කෘතම් නමස්කෘතම් නමස්කරෝමි භාස්වරම් ෴

අකිම්චනර්ථි මර්ජනම් චිරන්තනොක්ති භාජනම්

පුරාරිපුර්ව නන්දනම් සුරාරි ගර්ව චර්වනම්

ප්‍රපංචනාශ භීෂණම් ධනංජයාදි භූෂණම්

කපෝල දාන වාරනම් භජේ පුරාණ වාරණම් ෴

නිටන්තිකන්ත දන්තකන්ති මන්තකාන්ත කාත්මජම්

අචින්ත රූප මන්තකී නමන්තරාය කෘන්තනම්

හෘදන්තරේ නිරන්තරම් වසන්තමේව යෝගිනම්

තමේක දන්තමේව තම් විචින්තයාමි සන්තතම් ෴

මහා‍ ගණේෂ පඤ්චරන්තමාදරේන යොම්බගම්

ප්‍රජල්පති ප්‍රභාධකේ හෘදිශ්වරම් ගණේශ්වරම්

අරෝගතාම දෝෂතම් සුසාහිතිම් සුපුත්‍රතා

සමාහිතායුරෂතමූතිමඃ මෘපෛති ශෝචිරා ෴

ඉති ශ්‍රී පරමහම්ස පරිව්‍රාජකාචාර්යස්‍ය ශ්‍රී ගෝවින්ද භගවතු

පූජ්‍යපාද ශිෂ්‍යස්‍ය ශ්‍රී ශංකරභගවතඃ කෘතෞ ගණේෂ පඤ්චරත්නම් සම්පූර්ණම් ෴

සිංහලානුවාදය © M. M. Rohana Wasantha

෴ දුම්මල මාලාව෴

නමෝ නමඃ ශ්‍රී ඝණාය නමෝ නමඃ ශ්‍රී ඝණාය නමෝ නමඃ ශ්‍රී ඝණාය නමෝ සද්ධර්ම වර චක්කවර්තී අප තිලෝගුරු භාග්‍යවත් අර්හත් සම්‍ය සම්බුද්ධ සර්වඥ රාජෝත්තමයාණන් වහන්සේ වී දී දාස් වඩින්න ඕනයි අධිෂ්ඨානයක් සිතූසේක. එවිට අත්ති නම් මහා රුසියා කියන්නේ එසේ වී නම් ස්වාමීනී තමුන්නාන්සේට කවර කලෙක වත් පූජා නොකළ දෙයක් පූජා කරන්න ඕනැයි කියා දෙලක්ෂ හතලිස් දහස් උස ඇති ඝණකඩ මහා බොල් පොලව පලාගෙන ගොසින් නව ලක්ෂ අට දහස් යොදුන් උස ඇති ජල පොලව පලාගෙන ගොසින් මහකෙල නාග රජ්ජුරුවන්ගේ පෙන ගොබේ තිබුන සල් දුම්මල සත් මිටක් ගෙන අපගේ ස්වාමීන් වහන්සේ වැඩ සිටි මැණික් බැඳි වජ්‍රාසනේට පූජා කළ සල් දුම්මලයි අදත් මා මේ පුදන්නේ, ලොව්තුරු බුදුන්ගේ අනන්ත බුදුගුණ බලයෙන් එකී දුම්මල මහා බුද්ධ මාලාවෙන් ජීවම් කරමි, ජීවම් කරමී, ජීවම් කරමී, සිද්ධි සිද්ධී ඒස්වාහඃ ෴

© එම්. එම්. රෝහණ වසන්ත 071416082/ 0723430028/ wasantha2010@gmail.com

© M. M. Rohana Wasantha

෴ මරු යකාගේ අට කොණ ෴

ඉඳුරු දිගේ සිට මට අත වනන්නා

වඳුරු වේසයෙන් ඇවිදින් පෙනෙන්නා

විදුරු කඩුව ගෙන මගෙ සිරසට ඇන්නා

රුදුරු මරු යකා ඇවිදින් පෙනෙන්නා

උපා සොයා අග්නිය කොණ සිටින්නා

පාප කන්ඩ කට ඇරියා සිටින්නා

පාපා යම කඩුව සුරතින් දරන්නා

කපා මගෙ බෙල්ල මරුවා ලේ බොන්නා

යම දිග සිට මරු යකු අත වනාපී

කම නැති රලු කමකි ඌ මට රවාපී

තම අත තිබුන කඩුවෙන් පපුවට ඇණපී

බිම හෙළමින් පුපත් මගේ ලේ බීපී

නිරිත කොණේ සිට මරුවා බලන ර‍ඟේ

සුරත යගදාව වමතින් රැගෙන කගේ

දෙහද කර කපා කඩුවෙන් ඇණපු උගේ

කැවුතු කැටිය කනවා මරු යකා ම‍ගේ

ඇවිදින් වයඹ කොණ මරු යකු සිටින්නේ

සුරතින් කඩුව ගෙන අමුසොහොනට යන්නේ

සරොසින් හරු යකා මට කඩුවෙන් ඇන්නේ

විගසින් ඇවිත් දෙකඩව මගෙ ලේ බොන්නේ

කන්ඩ මිණීසවුමේ පුර සිටින ර‍ඟේ

බොන්ඩ රීරි බිල්ලක් අත දරාගේ

ඉන්ඩ නොදී මරු යකු වද කරන ර‍ඟේ

කෙණ්ඩ පතුළ කනවා මරු යකා මගේ

ඊසාන් මරු යකු ඇවිදින් සිටිපී

ගසා මරු හඩක් අත්පොසන් දීපී

ගසා යමගුරෙන් ඌ මට වද කරපී

ලසා නොව ඇවිත් පදපතුලෙ ලේ බීපී

සක්වල ගල උඩට ඇවිත් මරු යකු මට අත වනපී

එක් අතකින් මිනියක් ගෙන බෙල්ල කඩා ලේ උරපී

දත් මිටි කන්නා ඉලව්වෙ නෙත් රතු කර බලාපී

දික් කර අත මට අනින්ඩ කඩුවක් ගෙන උරුක්කරපී

රොහොස් වෙලා ගොස් ඒ යකු අහස්තලේ ඉන්නා

අහස් වලාවෙන් ඇවිදින් මෙසක්වලට පැන්නා

දහස් ගණන් ගිණි ජාලා කටින් විහිදුවන්නා

දෙඇස් මගේ උපුට කන්ඩ හෙල්ල තලෙන් ඇන්නා

නපුරු මරු හඩක් ගසමින් අමු සොහොනට ආවා

උරිරු බොන්න මිනියක් ගෙන අන්න බෙල්ල කැඩුවා

විදුරු කඩුව අරන් අතට මා කපන්ඩ හැදුවා

කුරිරු මරු යකු අර ගං ඉම ළඟ එවනා

හපා කන්ඩ කට බලියා සොහොන ළඟට යන්නා

කපා කන්ඩ මිනී මාලු කඩුව අරන් ඉන්නා

එපා කියද්දී ඇවිදින් කඩුවෙන් මට ඇන්නා

අපොල් ඉලව්වෙයි මරු යකු කඩුල්ල මුල ඉන්නා

සැනෙකින් යති අමු සොහොනට මිනී කන්ඩ නිතරේ

රුදුවන් මරු හඩක් ගසා එන්නා යකු මෙවරේ

ඉතිකින් මොහු මිනී මරයි සිටගෙන ගන අඳුරේ

ඇවිදින් මරු යකා මෙන්න පාය පාමුල පැදුරේ

විකයි අල්ලගෙන මිනියක් බලා ඉන්න බැරුවා

සැකයි ඉන්න මුගෙ අවගති දුටුවම බය වෙනවා

කපයි බෙල්ල කඩුවක් ගෙන ළඟටම ළං වෙනවා

අපොල් ඔන්න හත් ඉලව්වේ මරු යකු මා මැරුවා

සොහොන් දණ්ඩ දිගට තියා තුන් පලකින් බැඳලා

අරන් යන්ඩ අමු සොහොනට දෙන්නෙක් කර ගහලා

වරෙන් යන්ඩ අමු සොහොනට ආතුර අත් හැරලා

ඉතින් මෙන්න බාරයි මා ආතුර අත් හැරලා

අඩාදොඩා අරගෙන ගොස් දාපල්ලා අමු සොහොනට

ලෙඩාට බුදු ගුණ පිහිටයි බැඳපල්ලා පිරිත් හුයට

වඩා මෙතන රැක නොසිටින් සිටියොත් දෙනවා තද බැට

ලෙඩා නමට මා බිලිගෙන ලෙඩ කළ මරු යකුනි තොපට

අඩමොරගා අරගෙන ගොස් අමු සොහොනට දාපල්ලා

ලෙඩාට බුදු ගුණ පිහිටයි පිරිත් හුයට බැඳපල්ලා

දිව බල ‍අපෙ මුණි උතුමන් අණසක සිහි කරපල්ලා

ලෙඩ ආතුර හට විගසින් පිරිත් නූල් බැඳපල්ලා

මරු යකාගේ අටකොණ සහ මේ කවි පෙළ වලදැරහැවේ සබරගමුවේ ඉපැරණි කඩතුරා හැරීමේ ක්‍රමයක් වශයෙන් අප්‍රචලිතව පැවත එයි.

© M. M. Rohana Wasantha

෴ යක්ෂ දෝෂ නිවාරණයට යාතුකර්ම විධීන් කිරීමේ දී කඩතුරාව හරින අන්දම ෴

වමත පන්දම දරා - දකුණ දුම්මල මතුරා

හරවමින් කඩතුරා - පිදේනි දක්වා එහිම සෙත් කරා

බෝධිය සත්තෙන් පා දහම් සෙත්පුරා - සෑසී තිලෝනා

සුගත්බෝධිය මුල වැඩ හිඳ මුරා පස් මරුන් - ලොව සෙත් කළා නම් යමෙක්

නාදිය දම් සඟු තුනුරුවන් තේජසින් මේ යක් පිසස් දුරහැරා

මේ විදි ලෙස මෙපිදේනි සරහා දැක්කුමෙන් - සෙත් කර හරින් කඩතුරා

උප ගත වූ උරුවෙල් දනව්වත් සයත් - හික්මන් සුජාතා ළඳුන්

කැප කර කිරි පිසූ වළඳමින් - මුනි තුමන් මුලදී මැරූ පස් මරුන්

අප සනරාමර ලෝ දිවාකර සියල් - දක්ෂකම් බුදුන්ගේ තේජසින්

ලොබ කර උවදුරු කඩතිර හැර යෙහෙන් - සෙත්කර හරින් කඩතිරා

ජටිල ජටිල කේෂාම් ලම්බ හස්ත්‍රං තිනේත්‍රං

කරක ලිතක පාල සූල පාසා කුසං ච

පුනරපිකර චත්‍රං කර්ග වේතාල ඝංඨං

සුනකමය වස්ත්‍රං - සිවවටුක යංත්‍රං - පැවත විෂ්ණූය හංත්‍රං

ඕං ශ්‍රීං ශ්‍රීං ශ්‍රීං ජං ජං ජර්ග රූපාන් දිං දිං දීර්ඝ රූපාන් දිසි වර්ග රූපාන් භූමි කම්පාය මානාං සං දීර්ඝ කොට වෙස්සන්තරාව ගුරු මීන රේවතිය නක්ෂත්‍ර ජල රාක්ෂයාට දා ව ආවා වූ යම් යක්ෂ රාක්ෂ භූත ප්‍රේතාදී කෙනෙක් ඇත්නම් වීර්යයෙන් කාර්යය සිද්ධ ‍කර දෙන්නා වූ සූර්ය දිව්‍ය රාජයා මස්තකයෙන් මෙම ශ්‍රී ලංකාද්වීපයට උදා වෙන්න පළමුවෙන් රං දොරේ - රිදී දොරේ - මුතු දොරේ - මැණික් දොරේ මෙසේ සිව් කවුලු දොරවල් ඉඩහරවා සක්වල දස දහසක් ඝණාන්ධකාර පිණිබින්දු විහත විද්වංසනය කරමින් මෙම සැන්දෑ සමයමේ නෙර්තය දක්වන්නට බැඳි යක්ෂ කඩතුරාව මුදාගන්න හොඳයි - පස්වාන් දහසක් - /// පස්වාන් දහසකට ආයු බොහෝ ‍වේවයි, බොහෝ වේවා ////

© M. M. Rohana Wasantha, එම්. එම්. රෝහණ වසන්ත 071416082/ 0723430028/ wasantha2010@gmail.com

2012 වසරේ ශිෂ්‍යත්ව විභාගයෙන් ජය ලබන්නට නිවසින් පිටවීමට මෙන්න අනඟි සුභ මුහුර්ථය...

2012-අගෝස්තු මස - 26 වන දිනට යෙදී ඇති මෙවර 5 වසර ශිෂ්‍යත්ව විභාගය සඳහා පෙනී සිටීමට නිවසින් පිටත්වීම සඳහා ලාංකේය දුවා දරුවන්ට අනඟි සුභ මුහුර්ථයක් උදෑසන 07.06ට යෙදී ඇති බව සැළකරනු කැමැත්තෙමි.

මෙදින නිවසින් පිටත් වීමට පෙර තල හා උක් හකුරු මිශ්‍ර කිරිබතක් පිළියෙළ කරවා පළමු කොටස බුදුන්ටත් දෙවන කොටස සූර්ය දේවතාවුන්ට ගණ දෙවියන්ට හා සරස්වතී දේව මෑණියන්ට පුදා සූර්ය දේවතාවුන් නමස්කාර කොට සරස්වතී හා ගණ දෙවිඳුන් උදෙසා සමන්පිච්ච හෝ ගැට පිච්ච මල් දෙමිටක් පුදා ඉෂ්ට දේවතාවුන්ට පින් දී දෙමාපියන් පා වැඳ නැගෙනහිර දිශාභිමුකව දරුවාගේ දකුණත නැහැය ළඟට කරවා සාමාන්‍ය අයුරින් හුස්ම වඩාත් හොඳින් වැටෙන පැත්තේ පය පෙරට තබා ශිෂ්‍යත්ව විභාගයට පෙනී සිටීමට නිවසින් පිටත්වීම ජය කැන්දන්නට සමත් වන බව සඳහන් කරමි.

සූර්ය දේවතාවුන් නමස්කාරය

ජපා කුසුම ශංකාශම් - කාශ්‍යපේයං මහාද්‍යුතිම්

තමෝරිං සර්ව පාපාග්නාම් - ප්‍රණතෝස්මි දිවාකරම් (තෙවරක්)

ගණදෙවිඳුන් නමස්තාරය

ඕං සමුඛාය නම: ඕං එක දන්තාය නම: ඕං කපිලාය නම:

ඕං ගජ කර්ණිකාය නම: ඕං ලම්බෝදරාය නම: ඕං විකටාය නම:

ඕං විග්නරාජාය නම: ඕං ගණපතියේ නම: ඕං ධූමකේතුවේ නම:

ඕං ගණාධ්‍යක්‍ෂාය නම: ඕං බාල චන්ද්‍රාය නම: ඕං ගජ ඝණාය නම:

ඕං චක‍්‍රතුන්ඩාය නම: ඕං ශුර්ප කර්ණාය නම: ඕං හේරම්භාය නම:

ඕං ස්කන්ධ පූර්වජාය නම:

චක්‍රතුණ්ඩ මහා කාය - කෝටී සූර්ය සමප්‍රභ: - නිර්විග්නම් කුරු මේ දේවං - සර්ව කාර්යේෂු සර්වදා...

සරස්වතී දේව මෑණියන් නමස්කාරය

image source: https://encrypted-tbn2.google.com/images?q=tbn:ANd9GcRejfbCi22zGByerHM5SAwpd1X9pcf1gb0dFDp6UmvdhGNeIWZa

ජගන් මෝහිනී මධුර භාෂිනී චාරු දේහිනී කමල වාචිනී

සරස්වතී දේවී වන්දේ සරස්වතී දේවී වන්දේ...

සරස්වතී මහා දේවී වීණා පුස්තක ධාරිනී හංස වාහිනී සමායුත්තේ විද්‍යා දානං කුරූ මම ...

සරස්වතී භජම් මයිහං වර දේව කාම රූපනේ විද්‍යාරබ්බං කරිස්සාමී සරස්වතී භජම්තු මේ...

ඕම් කාලී බන්ධ, වර කාලී බන්ධ, මෙරහත් කාලී බන්ධ, දිව අගට ඉරු දෙවියන් බන්ධ,

දිව මුළට සඳ දෙවියන් බන්ධ, උගුරට සරස්වතී බන්ධ සිව්සැට ශිල්ප විද්‍යා කවි කියන

මාගේ මුඛයට යක්ෂ හඩ, රාක්ෂ හඩ, පංචනාද පසක් විහිදුවා වට සිටියන් දෙකණ් බිහිරි කරවා සරස්වතී බන්ධ බන්ධ ඒස්වාහ:

දරුවාගේ දැනුම, ආකල්ප හා කුසලතා වර්ධනය කරවා අභියෝග ජය ගැනීමට හුරු කරවීමට කැමති සියළු දෙමව්පියන් වෙත මෙම තැකැත් පඩුර පුදකරමි.

සැලකිය යුතුයි-

මෙම වේලාව සකස් කර ඇත්තේ තංගල්ල නගරයට ඉර උදාවන වේලාව අනුව බැවින් තම තමුන්ගේ ග්‍රාමයට ඉර උදා වේලාව අනුව මෙම වේලාවෙන් අඩු හෝ එකතු කර ගත යුතුය.

© M. M. Rohana Wasantha - 0714161082/0723430028 wasantha2010@gmail.com

මෙම සුභ මුහුර්ථය සකස් කර ඇත්තේ ජගන්නාත හෝරා මෘදුකාගයට අනුව 7.62 අනුවාදය භාවිත කිරීමෙන් බව සළකනු මැණවි. මෙදින පඤ්චාංග විස්තරය ජගන්නාත හෝරා මෘදුකාගයට අනුව 7.62 අනුවාදයට අනුව මෙසේය.

August 26, 2012:

Sunday, Sukla Dasami till 2:20*, Jyeshtha till 9:16,

Vishkambha yoga till 15:44, Taitula karana till 15:19,

Garija karana till 2:20*, RahuK: 16:34 - 18:04,

GulikaK: 15:04 - 16:34, YamaG: 12:04 - 13:34,

Varjya: 16:53 - 18:25,

Durmuhurta: 16:36 - 17:24,

Sunrise at 6:05, Sunset at 18:13,

Moonrise at 13:43, Moonset at 1:51*,

Moon in Vrisch till 9:16

Horas: (End times)

Sy: 7:04 Sk: 8:04 Bu: 9:04 Ch: 10:04 Sa: 11:04 Gu: 12:04

Ma: 13:04 Sy: 14:04 Sk: 15:04 Bu: 16:04 Ch: 17:04 Sa: 18:04

Gu: 19:04 Ma: 20:04 Sy: 21:04 Sk: 22:04 Bu: 23:04 Ch: 0:04*

Sa: 1:04* Gu: 2:04* Ma: 3:04* Sy: 4:04* Sk: 5:04* Bu: 6:04*

Gouri Panchanga/Choghadiyas: (End times)

Udyoga: 7:35 Chala: 9:06 Laabha: 10:37 Amrita: 12:08

Kaala: 13:39 Shubha: 15:10 Roga: 16:41 Udyoga: 18:13

Shubha: 19:41 Amrita: 21:10 Chala: 22:39 Roga: 0:08*

Kaala: 1:37* Laabha: 3:06* Udyoga: 4:35* Shubha: 6:04*

Natal Chart

Date: August 26, 2012

Time: 7:06:47

Time Zone: 5:30:00 (East of GMT)

Place: 80 E 44' 00", 5 N 59' 00"

tangalla, Sri Lanka

Altitude: 0.00 meters

Lunar Yr-Mo: Nandana - Adhika Bhadrapada

Tithi: Sukla Dasami (Ch) (87.27% left)

Vedic Weekday: Sunday (Sy)

Nakshatra: Jyeshtha (Bu) (9.53% left)

Yoga: Vishkambha (Sa) (40.51% left)

Karana: Taitula (Bu) (74.54% left)

Hora Lord: Sukra (5 min sign: Tula)

Mahakala Hora: Surya (5 min sign: Kark)

Kaala Lord: Surya (Mahakala: Surya)

Sunrise: 6:04:31

Sunset: 18:13:02

Janma Ghatis: 2.5944

Ayanamsa: 24-02-01.57

Sidereal Time: 5:18:35

සුභ මුහුර්ථය යෙදී ඇති වේලාවේ මරු සහ යෝගිනිය සිටින දිශාව දැකගන්න මෙම රූපය මත ක්ලික් කර බලන්න.

සුභ මුහුර්ථය යෙදී ඇති වේලාවේ අනෙකුත් ග්‍රහයින් සිටින දිශාවන්දැකගන්න මෙම රූපය මත ක්ලික් කර බලන්න.

2012 වසරේ ශිෂ්‍යත්ව විභාගයෙන් ජය ලබන්නට නිවසින් පිටවීමට මෙන්න අනඟි සුභ මුහුර්ථය...යෙදී ඇති වේලාවට පිහිටා ඇති යෝග විස්තරය බලාගන්න.