Sunday, December 30, 2012

සංස්කෘත පොත් pdf ගොණු වශයෙන් නොමිලයේ බාගත කර ගැනීමට ...

ඉංග්‍රීසි බසට පරිවර්ථනය කරන ලද සංස්කෘත පොත් pdf ගොණු වශයෙන් නොමිලයේ බාගත කර ගැනීම සඳහා පිවිසිය හැකි වෙබ් අඩවි කිහිපයක් වෙත පහත සබැඳියන් තුළින් ඔබට යොමු විය හැකිය.


  • Free Sanskrit Books, Sanskrit PDF books collection for download
    • http://www.tamilcube.com/sanskrit-books/


  • International Gita Society
    • http://www.gita-society.com/scriptures/scriptures.html

© M. M. Rohana Wasantha

Friday, December 14, 2012

ප්‍රශ්න මාර්ග පොතෙහි දැක්වෙන භාවේශ විස්තරය (in Eng.)

සරජිත් පොඩ්ඩර් විසින් ගොණු කර දක්වා ඇති ප්‍රශ්න මාර්ග පොතෙහි දැක්වෙන භාවේශ පිළිබඳ විස්තරය.


© Sarajith Poddar
Cited by - M. M. Rohana Wasantha

Tuesday, November 20, 2012

රාජ්‍ය පරිපාලන හා ස්වදේශ කටයුතු අමාත්‍යතුමා විසින් නිවාඩු පනත යටතේ අනුමත කර ඇති 2013 ශ්‍රී ලංකා ප්‍රජාතාන්ත්‍රික සමාජවාදී ජනරජයේ රාජ්‍ය දින දර්ශනය

සැ.යු.– මෙම දින දර්ශනයේ දැක්වෙන 2013 වර්ෂය සඳහා වූ ප‍්‍රසිද්ධ හා බැංකු නිවාඩු දින සහ පුර පසළොස්වක පෝය දින රාජ්‍ය පරිපාලන හා ස්වදේශ කටයුතු අමාත්‍යතුමා විසින් නිවාඩු පනත යටතේ අනුමත කර ඇති බව සියලූදෙනාගේ දැන ගැනීම සඳහා මෙයින් නිවේදනය කරනු ලැබේ.


 © M. M. Rohana Wasantha

Saturday, October 6, 2012

Karakamsa Lagnaya - මොකක්ද මේ කාරකාම්ස ලග්නය?

යම් පුද්ගලයෙකුගේ ආත්මය පිළිබඳව පලාඵල කථනයේ දී ආත්ම කාරක ග‍්‍රහයා වැදගත් වෙයි. එබැවින් යම් කේන්ද්‍ර සටහනක ආත්මකාරක ග‍්‍රහයා වැදගත් මූලාශ‍්‍රයක් වශයෙන් ඉදිරිපත් වෙයි. යමෙකුගේ බාහිර ශරීරයේ පැවැත්ම හා පුද්ගලයා වටා ක‍්‍රියාත්මක වන බාහිර දෙයට වඩා අභ්‍යන්තර ආත්මකාරීත්වයෙන් ක‍්‍රියාත්මක වන පුද්ගලත්වය යම් පුද්ගලයෙකු පිළිබඳ තීරණයක් ගැනීමේ දී ඉතා වැදගත් කරුණක් වෙයි.


ආත්ම කාරකයා නවාම්ශ කේන්ද්‍ර සටහනේ වැදගත් මූලාශ‍්‍රයක් වශයෙන් ඉදිරිපත් වන ස්ථානයක් ගන්නා බව පෙන්වා දිය හැකිය. නවාම්ශ කේන්ද්‍ර සටහන අභ්‍යන්තර පුද්ගලත්වය දෙසට යොමුකරන ආලෝකය සමග එම ආත්මකාරක ග‍්‍රහයා නවාම්ශ කේන්ද්‍රයේ තැන්පත්ව හිඳින රාශිය කාරකාම්ස ලග්නය වශයෙන් අප හඳුන්වයි. කාරකාම්සය මුල්තැන තබා අපට නවාම්ශ කේන්ද්‍ර සටහන විග‍්‍රහ කළ හැකිය. කාරකාම්ශයෙන් දොළොස්වන භාවය ආත්මයේ විමුක්තිය පෙන්වා දෙන අතර කේතු ග‍්‍රහයාගේ පිහිටීම ජන්මියා මෝක්ෂය කරා යොමු කරන තත්වය දැකගත හැකිය.

මෝක්ෂය කරා යන ගමන නවාම්ශ කේන්ද්‍ර සටහනේ කාරකාම්ස ලග්නයෙන් දොළොස්වැන්නේ හිඳින බලවත් ග‍්‍රහයාට සාපේක්‍ෂව බලපවත්වන දෙවියන් ඇසුරු කොට එම දෙවියන් වෙතින් අනුග‍්‍රහශීලී දායකත්වයක් ලබාගත හැකි බව පෙන්වා දිය හැකිය.


© M. M. Rohana Wasantha

Tuesday, September 18, 2012

කේන්ද්‍රයේ අටවැන්නෙන් පෙන්වන කේන්ද්‍ර හිමියාගේ මරණය

මරණය වූ කලී විවිධ දාර්ශනිකයන් මෙන්ම, විවිධ වූ පුද්ගලයන් විසින් විවිධ වූ අර්ථ කථන පෙන්වා ඇති මෙලොව උපන් සෑම ජීවීයෙකුටම පොදු සනාථන ධර්මතාවක් වශයෙන් පෙන්වා දිය හැකි අතර අජීවී තත්වයේ පසුවන සෑම ධර්මතාවයකටම ද පොදු විනාශ ස්වභාවයට පත්වීමේ තත්වයක් වශයෙන් පෙන්වාදිය හැකිය.

බෞද්ධ දර්ශනයට අනුව සචේතනික හා අචේතනික සෑම ධර්මතාවකටම පොදු ලොක ස්වභාවයක් වශයෙන් මෙම විනාශ ස්වභාවය පෙන්වා ඇත. එහි පෙන්වා දෙන්නේ තථ, අවිතථ, අනඤ්ඤථ යන මූලික ආර්ය ධර්මතාවන්ට අයත් නොවන්නා වූ සියළු සංස්කාර ධර්මයන්ට මෙම තත්වයට පත්වීම ස්වභාවය බවයි. තථ යනු ස්ථිර බවයි. අවිතථ යනු වෙනස් නොවන බවයි. අඤ්ඤථ යනු වෙනස් ආකාරයකට පෙනී නොසිටින බවයි. මෙම තත්වයේ පසු වන්නේ වෙනස් වීමේ ධර්මතාව හා සතර ආර්ය සත්‍ය පමණක් බව බෞද්ධ දර්ශනයේ දක්වා ඇත.

එසේම මෙම තත්වය හින්දු දර්ශනයට අනුව දේවත්වාරෝපණයක් සහිතව දක්වා ඇත. ත‍්‍රි මූර්තිය මෙහි දැක්වෙන එකී සනාතන දේවත්වය වශයෙන් හින්දු දර්ශනයේ දක්වා ඇත. එකී ධර්මතාවයට හිමි දේවත්වය ශිව හෙවත් ඊශ්වර යනුවෙන් එහි විස්තර වෙයි. ඒ අනුව විනාශ ස්වභාවයට අධිපතිත්වය දරන්නේ මෙම ශිව හෙවත් ඊශ්වර තත්වයයි. භගවත් ගීතාවේ දැක්වෙන අන්දමට මෙම ශිව දේවත්වය තත්වයක් වන අවස්ථාවක් වෙයි.

එම අවස්ථාවේ දී පුද්ගලත්වයක් හෝ දේවත්වයක් නොමැති බව කියැවෙයි.

වෛදික ජ්‍යෝතිෂයට අනුව කේන්ද්‍රයේ අටවන භාවය මරණය පිළිබඳව කරුණු අනාවරණය කෙරෙන ප‍්‍රධානතම ස්ථානය වශයෙන් දක්වා ඇත. ප‍්‍රධාන වශයෙන් කේන්ද්‍රයක අටවැන්නාධිපති ග‍්‍රහයාගේ තත්වය අනුව කේන්ද්‍ර හිමියගේ මරණය පිළිබඳ පලාඵල කථනය කෙරෙයි.

වරාහ මිහිර ආචාර්යවරයාට අනුව වෘහත් ජාතකයෙහි 25 වන පරිච්ෙඡ්දයේ 1 වන ශ්ලෝකයට අනුව
(වරාහ මිහිර , බෘහත් ජාතකය, 25 වන පරිච්ඡේදය අනුවාදක දොන් ඬේවිඞ් ජයමාන්න (1930), කේ. ඞී. පෙරේරා සහ පුත‍්‍රයෝ, කොළඹ) කේන්ද්‍රයක අටවන භාවය සම්බන්ධව මරණය පිළිබඳ කරුණු පැවසිය හැකි වෙයි. ඊට අනුව,

අටවැනි භාවයේ කිසිදු ග‍්‍රහයෙකු නොසිටී නම්, එය දකින්නා වූ බලවත් ග‍්‍රහයාගේ ධාතු කොපයකින් හටගත් රෝගයක් මුල්ව එම පුද්ගලයාගේ මරණය වන බව දක්වා ඇත. තවද ඒ අටවෙනි රාශිය කාල පුරුෂයාගේ යම් අවයවයකට අයත් වන්නේ ද ඒ අවයවයෙහි හටගත් රෝගයකින් මරණය පැමිණෙන බව දක්වා ඇත.

සූන්‍ය වූ අටවැනි භාවය බලවත් වූ බොහෝ ග‍්‍රහයින් දකියි නම් ඒ බොහෝ දොට අයිති ධාතු කිපීමෙන් අෂ්ටම ස්ථානයට අයිති රාශිය අයත් ශරීර කොටසෙහි (මෙය කාල පුරුෂයාට අනුව ගැණ දැක බලා ගත යුතු බව දක්වා ඇත. පහත දක්වා ඇති වගුවේ පෙන්වා දී ඇත්තේ සූන්‍ය වූ අටවැනි භාවය දකින ග‍්‍රහයා අනුව මරණය වන ස්ථානය දැන ගැනීමේ චක‍්‍රයකි













මෙයට අමතරව තවත් මරණයට හේතු කාරක වන යෝග රැුසක් එහි දක්වා තිබේ.
  • ගල් ගැසීමෙන්, දියේ ගිලීමෙන්, ලිංහි වැටීමෙන්
  • දිය උදරයෙන්, ගින්නෙන්, ආයුධයෙන්, ලේ දෝෂයෙන්, එල්ලීමෙන්
  • ගුද රෝගයෙන්
  • පක්ෂීන්ගෙන්, උසකින් වැටීමෙන්, හෙන අකුණු වැදීමෙන්, බිත්ති කඩා වැටීමෙන්
තවද ඉහත දක්වා නැති සෑම කරුණකට ම අදාළ නොවන අවස්ථාවන්හි දී අනුගමනය කළ යුතු සාමාන්‍ය ක‍්‍රමය කුමක් ද යන්නත් එහි පැහැදිළි කොට දක්වා ඇත.

මේ අතර මැරෙන ස්ථානය හා මරණයට පළමුවෙන් සිහිය ඇතිව සිටි කාලය දැන ගැනීමට ද මරණින් පසු මෘත ශරීරයට වන දේ දැන ගත හැකි ආකාරය ද හා යටගිය භවයේ සිටි තැන දැන ගැනීමේ ආකාරය ද එහි වැඩිදුරටත් දක්වා ඇත.

එම්. එම්. රෝහණ වසන්ත 071-4161082/072-3430028
© M. M. Rohana Wasantha

Monday, September 3, 2012

සූර්ය නමස්කාර ඉරියව් හා ද්වා දස සූර්ය දේවතා නමස්කාර පාඨ



සූර්ය නමස්කාර ඉරියව් Image Source: http://www.yugshaktiashram.org




ද්වා දස සූර්ය දේවතා නමස්කාර පාඨ Image Source: http://www.indif.com




සූර්‍ය්‍ය දේවතාවුන් Image Source:http://www.hindu-blog.com

සිංහලානු වාදය
  1. ඕම් මිත‍්‍රාය නමහඃ ෴
  2. ඕම් රවායේ නමහඃ ෴
  3. ඕම් සූර්යාය නමහඃ ෴
  4. ඕම් භානවේ නමහඃ ෴
  5. ඕම් ඛගාය නමහඃ ෴
  6. ඕම් පුෂ්නෛහ් නමහඃ ෴
  7. ඕම් හිරණ්‍යඝර්භාය නමහඃ ෴
  8. ඕම් මරිචයේ නමහඃ ෴
  9. ඕම් ආදිත්‍යාය නමහඃ ෴
  10. ඕම් සාවිත‍්‍රයේ නමහඃ ෴
  11. ඕම් අර්ක්‍යාය නමහඃ ෴
  12. ඕම් භාෂ්කරාය නමහඃ ෴
Courtesy ; http://www.youtube.com/watch?v=E12nC14NIUQ

සැලකිය යුතු - මේෂ ලග්න හිමියන් සූර්ය දේව නමස්කාරය කිරීමේ දී රවි ග්‍රහයාගේ ග්‍රහ නාමය වන ‘රවි‘ යන්න ප්‍රකාශ නොකට යුතුය. 

© M. M. Rohana Wasantha

Saturday, September 1, 2012

පොරොන්දම් පරීක්ෂාව පිළිබඳ ගැටළු තුනක්

KENDARA SINHALEN - කේන්දර සිංහලෙන් පාඨක ඔබ විමසා සිටි පොරොන්දම් පරීක්ෂාව පිළිබඳ ගැටළු තුනක්.









Image Source : http://purasanda.blogspot.com/2010/03/blog-post_30.html

1.නැකත් පොරොන්දම ගැලපෙන්නේ නැති හදහන් අනිවාර්යෙන්ම විවාහයට විපත් ද?

නැකැත් පොරොන්දම, පිළිබඳ පූර්ණ විස්තරයක් විසිපොරොන්දම්වල විද්‍යාත්මක පැතිකඩ නමැති ලිපයේ සඳහන් වෙනවා. වැඩිදුරටත් විමසා බැලීමේ දී පෙන්වාදිය හැක්කේ මෙයයි.

ජන්ම, අනු ජන්ම, ත්‍රි ජන්ම -පරිචිත ලක්ෂණ සම්ප්‍රේෂණ දෝෂ ඇතිවිය හැකි තත්වයකි.

සම්පත්, අනු සම්පත් , ත්‍රි සම්පත් - හිතප්‍රත්‍ය සම්පත් දායකත්වය ඇති වේ.

විපත්, අනු විපත්, ත්‍රි විපත් - දුක්ඛ දෝමනස්සයන් ඇති වෙයි.

ක්ෂේම, අනු ක්ෂේම, ත්‍රි ක්ෂේම - මධ්‍යස්ථ ඵල දායක තත්වයකි.

ප්‍රත්‍යාරි, අනු ප්‍රත්‍යාරි, ත්‍රි ප්‍රත්‍යාරි - හිතප්‍රත්‍ය සම්පත් විනාශ මුඛයට වැටේ.

සාධක, අනු සාධක, ත්‍රි සාධක - සර්වාර්ථ සිද්ධි සාධන තත්වයක් ඇති වේ.

වධ, අනු වධ, ත්‍රි වධ - මානසික හා කායික වධය පිණිස හේතු වේ.

මෛත්‍රී, අනු මෛත්‍රී, ත්‍රි මෛත්‍රී - බ්‍රහ්ම විහාරී ගුණයෙන් යුතු‍ වේ.

පරමෛත්‍රී, අනු පරමෛත්‍රී, ත්‍රි පරමෛත්‍රී - අති බ්‍රහ්ම විහාරී ගුණයෙන් යුතු වේ.

මෙම තත්වයන් යටතේ කවර ගණයකට වැටේ දැයි බලා තීරණය කළ යුත්තකි.

2. යෝනි, නාඩි, ලිංග පොරොන්දම් ගාලපුනොතින් එම නැකත් දෝෂය භංග වෙනවා කියන්නේ ඇත්තක්ද? එසේනම් මේ සියල්ලම ගැලපිය යුතුමද?

යෝනි පොරොන්දමලිංගික තෘප්තිය ද ලිංග පොරොන්දම ලිංගික හැසිරීම ද පෙන්වා දෙන බව විසිපොරොන්දම්වල විද්‍යාත්මක පැතිකඩ නමැති ලිපියේ පෙන්වා දුන් අතර

යෝනි පොරොන්දම - ලිංගික තෘප්තිය යහපත් විටෙක දී සහ

ලිංග පොරොන්දම - ලිංගික හැසිරීම යහපත් විටෙක දී ඉහත පෙන්වා දුන් පහත සඳහන් කරුණුවල ඇතිවිය හැකි ගැටළුමය තත්වයන් වැලකීමට ඇති ඉඩ ප්‍රස්ථා භංග වීමට නම් අනිවාර්යයෙන්ම ග්‍රහ පොරොන්දමේ පාපාංශක තත්වයන්ගේ අගයන් කවර මට්ටමක පවතීදැයි විමසා බලා තීරණයකට එළඹිය යුතුවෙයි.

ජන්ම, අනු ජන්ම, ත්‍රි ජන්ම -පරිචිත ලක්ෂණ සම්ප්‍රේෂණ දෝෂ ඇතිවිය හැකි තත්වයකි.

විපත්, අනු විපත්, ත්‍රි විපත් - දුක්ඛ දෝමනස්සයන් ඇති වෙයි.

ප්‍රත්‍යාරි, අනු ප්‍රත්‍යාරි, ත්‍රි ප්‍රත්‍යාරි - හිතප්‍රත්‍ය සම්පත් විනාශ මුඛයට වැටේ.

වධ, අනු වධ, ත්‍රි වධ - මානසික හා කායික වධය පිණිස හේතු වේ.


3. ග්‍රහ පොරොන්දමට අදාලව ගණනය කිරීම් කරන්නේ කොහොමද? සුබ අසුබ තීරණය වන්නේ කෙසේද? (පරිගණක මෘදුකාංගයෙන් එන ග්‍රහ පොරොන්දම් ප්‍රතිපලය ගැටළු සහිත)
ග්‍රහ පොරොන්දම ප්‍රදාන පොරොන්දමක් නොවුනත් බොහෝ විට නැකත් වලට පසුව එහි ගැලපීම බලන්නේ කුමක් නිසාද?

නැකැත් පොරොන්දම යනු ජන්මියා උපන් නැකත අනුව විමසා බැලෙන තත්වයකි. උපන්නැකත යනු උපතේ දී චන්ද්‍රයා සිටි නක්ෂත්‍ර කාණ්ඩයයි. චන්ද්‍රයා යනු මිනිස් සිතට අධිපතිත්වය දරන ග්‍රහයාය. මිනිස් සිත සියළුම ධර්මතාවන්ට බලපාන ප්‍රධානතම සාධකය බව බුදුරදුන් ද "මනෝපුබ්බංගමා ධම්මා - මනෝ සෙට්ඨා මනෝමයා..." යනුවෙන් දක්වා ලූ කල නැකැත් පොරොන්දමේ පවතින අද්විතීය වැදගත්කම හා අත්‍යාවශ්‍යතාව පැහැදිළි වෙයි.

ග්‍රහ පොරොන්දමට අදාළ ගණනය කිරීම් සඳහා ලග්නය, චන්ද්‍රයා, හා සිකුරු යන ග්‍රහයින්ගෙන් 1,2,7,8 යන භාවයන්හි දී තැන්පත් ග්‍රහයින් අනුව ඒ ඒ තැන්පත් ග්‍රහයින්ගේ තත් රාශියට තිබූ සම, මිත්‍ර, අමිත්‍ර, ස්වක්ෂේත්‍ර, උච්ඡ යන උප්පත්ති නිසර්ග තත්වයන් මත ලබාදෙන ඇගයීම් ලකුණු පාපංශක වශයෙන් ගණනය කෙරේ. මීට අමතරව ස්තී පුරුෂ දෙදෙනාගේම කේන්ද්‍රවල පවතින විෂ දෝෂ, වැන්දඹු දෝෂ, විකලාංග දෝෂ, මාතුල හා පිතු නාශ දෝෂ, දාරක නාශ දෝෂ , භාතෘ නාෂ දෝෂ, කුල නාශ දෝෂ, ව්‍යාභිචාර දෝෂ ආදී විශේෂිත ග්‍රහ පිහිටීම් කවර මට්ටමක පවතීදැයි විමසීම ද ග්‍රහ පොරොන්දමේ දී විමසා බැලිය යුතු කරුණු වශයෙන් පෙන්වාදිය හැකිය.

පරිගණක මෘදුකාංග කෙතරම් මෙම අවකාශය තුළ කටයුතු කරනවාද යන්න පිළිබඳ පවතින්නේ එක් අදහසක් පමණි. පරාශර ලයිට් 7 මෘදුකාංගය මෙම මෘදුකාංග අතරින් ඉහළම තැන සිටින අතර ඇස්ට්‍රොවිෂන් ලයිෆ් සයින් මෘදුකාංගයේ නවතම සංස්කරණයක් මෙකී අවකාශය තුළ යම් තැනක හිඳින බව පැවසිය හැකිය. නමුත් මෙම මෘදුකාංග දෙකම ඉතා ඉහළ මිල ගණන් කැප කළ යුතු මෘදුකාංග වශයෙන් පෙන්වා දිය හැකිය. එසේම ගෝරාවනී නමින් යුතු මෘදුකාංගයක් ද මේ පමණකට අවකාශය තුළ සම්පත් දායකත්වයක් සපුරා ඇති බව පැවසිය යුතුය.

සාමාන්‍ය පාඨක ඔබ කොළඹ විශ්ව විද්‍යාලයේ සරත් සෝමසිරි නමින් හඳුනන පරිගණක විද්‍යාව පිළිබඳ කථිකාචාර්‍ය්‍යවරයා විසින් 1995 වසරේ දී "සී පරිගණක භාෂාවෙන්" මුලින්ම සරල නමුත් නිරවද්‍යතාව අනුව ඉහළ අගයක පැවැති Fortune Teller.exe , Astro.exe හා Match.exe නමින් අප සමාජයේ පැවති මෘදුකාංග යම් පමණකට අවශ්‍යතාව සපුරාලූව ද යථෝක්ත කරුණු කවර පදනමකින් පසුරාලන්නේ ද යන්න අපට ද ගැටලුවකි.

© M. M. Rohana Wasantha 0714161082/ 0723430028/ wasantha2010@gmail.com

Friday, August 31, 2012

෴ ශ්‍රී මහා ගණේෂ පඤ්චරත්නම්෴



Audio Source : http://www.vedamantram.com/

ක්‍රිෂ්තු වර්ෂ අටවන සියවසේ දී ශ්‍රී ශංකර භගවත් පාදයන් විසින් විරචිත


෴ ශ්‍රී මහා ගණේෂ පඤ්චරත්නම්෴


මුධාකරත්ත මෝධකම් සදා විමුක්ති සාධකම්

කලාධරාවතංසකම් විලාසි ලෝක රක්ෂකම්

අනායකෛක නායකම් විනාසිතේව දෛත්‍යකම්

නටාසුභාසු නාශකම් නමාමි තං විනායගම් ෴


නඨේතරාති භීකරම් නවෝදිතර්ක භාෂ්වරම්

නමත් සුරාරි නිර්ජරම් නටාදි කාප දුද්ධරම්

සුරේශ්වරම්, නිධීශ්වරම්, ගජේශ්වරම්, ගණේශ්වරම්

මහේශ්වරම් සමාශ්‍රයේ පරාත්පරම් නිරන්තරම් ෴


සමස්ථ ලෝක සංකරම් නිරස්ථ දෛත්‍ය කුඤ්ජරම්

දාරේදරෝදරම් වරම් වරේ භවක්ත්‍ර මක්ෂරම්

කෘපාකරම්, ක්ෂමාකරම්, මුදාකරම්, යයස්කරම්

නමස්කෘතම් නමස්කෘතම් නමස්කරෝමි භාස්වරම් ෴


අකිම්චනර්ථි මර්ජනම් චිරන්තනොක්ති භාජනම්

පුරාරිපුර්ව නන්දනම් සුරාරි ගර්ව චර්වනම්

ප්‍රපංචනාශ භීෂණම් ධනංජයාදි භූෂණම්

කපෝල දාන වාරනම් භජේ පුරාණ වාරණම් ෴


නිටන්තිකන්ත දන්තකන්ති මන්තකාන්ත කාත්මජම්

අචින්ත රූප මන්තකී නමන්තරාය කෘන්තනම්

හෘදන්තරේ නිරන්තරම් වසන්තමේව යෝගිනම්

තමේක දන්තමේව තම් විචින්තයාමි සන්තතම් ෴


මහා‍ ගණේෂ පඤ්චරන්තමාදරේන යොම්බගම්

ප්‍රජල්පති ප්‍රභාධකේ හෘදිශ්වරම් ගණේශ්වරම්

අරෝගතාම දෝෂතම් සුසාහිතිම් සුපුත්‍රතා

සමාහිතායුරෂතමූතිමඃ මෘපෛති ශෝචිරා ෴


ඉති ශ්‍රී පරමහම්ස පරිව්‍රාජකාචාර්යස්‍ය ශ්‍රී ගෝවින්ද භගවතු

පූජ්‍යපාද ශිෂ්‍යස්‍ය ශ්‍රී ශංකරභගවතඃ කෘතෞ ගණේෂ පඤ්චරත්නම් සම්පූර්ණම් ෴


සිංහලානුවාදය © M. M. Rohana Wasantha

Monday, August 27, 2012

෴ ... ශ්‍රී ගණපති ස්තෝත්‍රම් ...෴ ප්‍රණම්‍ය සිරසා දේවම්...

Video Source : http://www.youtube.com/watch?v=4G55juXnLVQ&feature=player_embedded

ඕම් ශ්‍රී ගණේෂාය නමහඃ ෴ නාරද වුවාච ෴


ප්‍රණම්ය සිරසා දේවම් ෴ ගෞරී පුත්‍රම් විනායකම්෴

භක්තාවාසම් ස්මරේන්නිත්‍යම්෴ ආයුඃකාමාර්ථ සිද්ධයේ෴


ප්‍රථමං වක්‍රතුණ්ඩම් ච ෴ ඒකදන්තම් ද්විතීයකම්෴

තෘතීයම් කෘෂ්ණපිංගාක්ෂම්෴ ගජවක්ත්‍රම් චතුර්ථකම්෴


ලම්භෝදරම් පංචමම් ච ෴ ෂෂ්ටම් විකටමේව ච ෴

සප්තමම් විග්ණරාජම් ච ෴ ධූම්‍රවර්ණම් තථාෂ්ඨමම් ෴


නවමම් බාල චන්ද්‍රමම් ච ෴ දශමම් තු විනායකම් ෴

ඒකාදශම් ගණපතිම් ෴ ද්වාදශම් තු ගජාණනම් ෴


ද්වාදශයිස්ථානි නාමානි ෴ ත්‍රිසන්ධ්‍යම් යඃ පඨේත් නරඃ ෴

න ච විග්න භයං තස්‍ය ෴ සර්ව සිද්ධි කරම් පරම් ෴


විද්‍යාර්ථී ලභතේ විද්‍යාන් ෴ ධනාර්ථී ලභතේ ධනම් ෴

පුත්‍රාර්ථි ලභතේ පුත්‍රාන් ෴ මෝක්ෂාර්ථී ලභතේ ගතිම් ෴


ජපේ ගණපතිස්තෝත්‍රම් ෴ ෂඩ්භිර්මා සන් ඵලම් ලභේත් ෴

සංවත්සරේන සිද්ධිම් ච ෴ ලභතේ නාත්‍රා දශම්ශය ෴


අෂ්ඨභ්‍යෝ බ්‍රාහ්මණේභිෂ් ච ෴ ලිඛිත්වායඃ සමර්පයේත්

තස්‍ය විද්‍යා භවේත් සර්වාඃ ෴ ගණේෂස්‍ය ප්‍රසාදතා෴


ඉති ශ්රී‍ නාරද පුරාණෛඃ ෴ ශංකස්ථ නාශනම් ෴

නාම ශ්‍රී ගණපති ස්තෝත්‍රම් ... සම්පූර්ණම් ෴


© M. M. Rohana Wasantha

Saturday, August 25, 2012

෴ දුම්මල මාලාව෴

නමෝ නමඃ ශ්‍රී ඝණාය නමෝ නමඃ ශ්‍රී ඝණාය නමෝ නමඃ ශ්‍රී ඝණාය නමෝ සද්ධර්ම වර චක්කවර්තී අප තිලෝගුරු භාග්‍යවත් අර්හත් සම්‍ය සම්බුද්ධ සර්වඥ රාජෝත්තමයාණන් වහන්සේ වී දී දාස් වඩින්න ඕනයි අධිෂ්ඨානයක් සිතූසේක. එවිට අත්ති නම් මහා රුසියා කියන්නේ එසේ වී නම් ස්වාමීනී තමුන්නාන්සේට කවර කලෙක වත් පූජා නොකළ දෙයක් පූජා කරන්න ඕනැයි කියා දෙලක්ෂ හතලිස් දහස් උස ඇති ඝණකඩ මහා බොල් පොලව පලාගෙන ගොසින් නව ලක්ෂ අට දහස් යොදුන් උස ඇති ජල පොලව පලාගෙන ගොසින් මහකෙල නාග රජ්ජුරුවන්ගේ පෙන ගොබේ තිබුන සල් දුම්මල සත් මිටක් ගෙන අපගේ ස්වාමීන් වහන්සේ වැඩ සිටි මැණික් බැඳි වජ්‍රාසනේට පූජා කළ සල් දුම්මලයි අදත් මා මේ පුදන්නේ, ලොව්තුරු බුදුන්ගේ අනන්ත බුදුගුණ බලයෙන් එකී දුම්මල මහා බුද්ධ මාලාවෙන් ජීවම් කරමි, ජීවම් කරමී, ජීවම් කරමී, සිද්ධි සිද්ධී ඒස්වාහඃ ෴

© එම්. එම්. රෝහණ වසන්ත 071416082/ 0723430028/ wasantha2010@gmail.com
© M. M. Rohana Wasantha

෴ මරු යකාගේ අට කොණ ෴

ඉඳුරු දිගේ සිට මට අත වනන්නා

වඳුරු වේසයෙන් ඇවිදින් පෙනෙන්නා

විදුරු කඩුව ගෙන මගෙ සිරසට ඇන්නා

රුදුරු මරු යකා ඇවිදින් පෙනෙන්නා


උපා සොයා අග්නිය කොණ සිටින්නා

පාප කන්ඩ කට ඇරියා සිටින්නා

පාපා යම කඩුව සුරතින් දරන්නා

කපා මගෙ බෙල්ල මරුවා ලේ බොන්නා


යම දිග සිට මරු යකු අත වනාපී

කම නැති රලු කමකි ඌ මට රවාපී

තම අත තිබුන කඩුවෙන් පපුවට ඇණපී

බිම හෙළමින් පුපත් මගේ ලේ බීපී


නිරිත කොණේ සිට මරුවා බලන ර‍ඟේ

සුරත යගදාව වමතින් රැගෙන කගේ

දෙහද කර කපා කඩුවෙන් ඇණපු උගේ

කැවුතු කැටිය කනවා මරු යකා ම‍ගේ


ඇවිදින් වයඹ කොණ මරු යකු සිටින්නේ

සුරතින් කඩුව ගෙන අමුසොහොනට යන්නේ

සරොසින් හරු යකා මට කඩුවෙන් ඇන්නේ

විගසින් ඇවිත් දෙකඩව මගෙ ලේ බොන්නේ


කන්ඩ මිණීසවුමේ පුර සිටින ර‍ඟේ

බොන්ඩ රීරි බිල්ලක් අත දරාගේ

ඉන්ඩ නොදී මරු යකු වද කරන ර‍ඟේ

කෙණ්ඩ පතුළ කනවා මරු යකා මගේ


ඊසාන් මරු යකු ඇවිදින් සිටිපී

ගසා මරු හඩක් අත්පොසන් දීපී

ගසා යමගුරෙන් ඌ මට වද කරපී

ලසා නොව ඇවිත් පදපතුලෙ ලේ බීපී


සක්වල ගල උඩට ඇවිත් මරු යකු මට අත වනපී

එක් අතකින් මිනියක් ගෙන බෙල්ල කඩා ලේ උරපී

දත් මිටි කන්නා ඉලව්වෙ නෙත් රතු කර බලාපී

දික් කර අත මට අනින්ඩ කඩුවක් ගෙන උරුක්කරපී


රොහොස් වෙලා ගොස් ඒ යකු අහස්තලේ ඉන්නා

අහස් වලාවෙන් ඇවිදින් මෙසක්වලට පැන්නා

දහස් ගණන් ගිණි ජාලා කටින් විහිදුවන්නා

දෙඇස් මගේ උපුට කන්ඩ හෙල්ල තලෙන් ඇන්නා


නපුරු මරු හඩක් ගසමින් අමු සොහොනට ආවා

උරිරු බොන්න මිනියක් ගෙන අන්න බෙල්ල කැඩුවා

විදුරු කඩුව අරන් අතට මා කපන්ඩ හැදුවා

කුරිරු මරු යකු අර ගං ඉම ළඟ එවනා


හපා කන්ඩ කට බලියා සොහොන ළඟට යන්නා

කපා කන්ඩ මිනී මාලු කඩුව අරන් ඉන්නා

එපා කියද්දී ඇවිදින් කඩුවෙන් මට ඇන්නා

අපොල් ඉලව්වෙයි මරු යකු කඩුල්ල මුල ඉන්නා


සැනෙකින් යති අමු සොහොනට මිනී කන්ඩ නිතරේ

රුදුවන් මරු හඩක් ගසා එන්නා යකු මෙවරේ

ඉතිකින් මොහු මිනී මරයි සිටගෙන ගන අඳුරේ

ඇවිදින් මරු යකා මෙන්න පාය පාමුල පැදුරේ


විකයි අල්ලගෙන මිනියක් බලා ඉන්න බැරුවා

සැකයි ඉන්න මුගෙ අවගති දුටුවම බය වෙනවා

කපයි බෙල්ල කඩුවක් ගෙන ළඟටම ළං වෙනවා

අපොල් ඔන්න හත් ඉලව්වේ මරු යකු මා මැරුවා


සොහොන් දණ්ඩ දිගට තියා තුන් පලකින් බැඳලා

අරන් යන්ඩ අමු සොහොනට දෙන්නෙක් කර ගහලා

වරෙන් යන්ඩ අමු සොහොනට ආතුර අත් හැරලා

ඉතින් මෙන්න බාරයි මා ආතුර අත් හැරලා


අඩාදොඩා අරගෙන ගොස් දාපල්ලා අමු සොහොනට

ලෙඩාට බුදු ගුණ පිහිටයි බැඳපල්ලා පිරිත් හුයට

වඩා මෙතන රැක නොසිටින් සිටියොත් දෙනවා තද බැට

ලෙඩා නමට මා බිලිගෙන ලෙඩ කළ මරු යකුනි තොපට


අඩමොරගා අරගෙන ගොස් අමු සොහොනට දාපල්ලා

ලෙඩාට බුදු ගුණ පිහිටයි පිරිත් හුයට බැඳපල්ලා

දිව බල ‍අපෙ මුණි උතුමන් අණසක සිහි කරපල්ලා

ලෙඩ ආතුර හට විගසින් පිරිත් නූල් බැඳපල්ලා


මරු යකාගේ අටකොණ සහ මේ කවි පෙළ වලදැරහැවේ සබරගමුවේ ඉපැරණි කඩතුරා හැරීමේ ක්‍රමයක් වශයෙන් අප්‍රචලිතව පැවත එයි.

© M. M. Rohana Wasantha

෴ යක්ෂ දෝෂ නිවාරණයට යාතුකර්ම විධීන් කිරීමේ දී කඩතුරාව හරින අන්දම ෴

වමත පන්දම දරා - දකුණ දුම්මල මතුරා

හරවමින් කඩතුරා - පිදේනි දක්වා එහිම සෙත් කරා


බෝධිය සත්තෙන් පා දහම් සෙත්පුරා - සෑසී තිලෝනා

සුගත්බෝධිය මුල වැඩ හිඳ මුරා පස් මරුන් - ලොව සෙත් කළා නම් යමෙක්


නාදිය දම් සඟු තුනුරුවන් තේජසින් මේ යක් පිසස් දුරහැරා

මේ විදි ලෙස මෙපිදේනි සරහා දැක්කුමෙන් - සෙත් කර හරින් කඩතුරා


උප ගත වූ උරුවෙල් දනව්වත් සයත් - හික්මන් සුජාතා ළඳුන්

කැප කර කිරි පිසූ වළඳමින් - මුනි තුමන් මුලදී මැරූ පස් මරුන්


අප සනරාමර ලෝ දිවාකර සියල් - දක්ෂකම් බුදුන්ගේ තේජසින්

ලොබ කර උවදුරු කඩතිර හැර යෙහෙන් - සෙත්කර හරින් කඩතිරා


ජටිල ජටිල කේෂාම් ලම්බ හස්ත්‍රං තිනේත්‍රං

කරක ලිතක පාල සූල පාසා කුසං ච

පුනරපිකර චත්‍රං කර්ග වේතාල ඝංඨං

සුනකමය වස්ත්‍රං - සිවවටුක යංත්‍රං - පැවත විෂ්ණූය හංත්‍රං


ඕං ශ්‍රීං ශ්‍රීං ශ්‍රීං ජං ජං ජර්ග රූපාන් දිං දිං දීර්ඝ රූපාන් දිසි වර්ග රූපාන් භූමි කම්පාය මානාං සං දීර්ඝ කොට වෙස්සන්තරාව ගුරු මීන රේවතිය නක්ෂත්‍ර ජල රාක්ෂයාට දා ව ආවා වූ යම් යක්ෂ රාක්ෂ භූත ප්‍රේතාදී කෙනෙක් ඇත්නම් වීර්යයෙන් කාර්යය සිද්ධ ‍කර දෙන්නා වූ සූර්ය දිව්‍ය රාජයා මස්තකයෙන් මෙම ශ්‍රී ලංකාද්වීපයට උදා වෙන්න පළමුවෙන් රං දොරේ - රිදී දොරේ - මුතු දොරේ - මැණික් දොරේ මෙසේ සිව් කවුලු දොරවල් ඉඩහරවා සක්වල දස දහසක් ඝණාන්ධකාර පිණිබින්දු විහත විද්වංසනය කරමින් මෙම සැන්දෑ සමයමේ නෙර්තය දක්වන්නට බැඳි යක්ෂ කඩතුරාව මුදාගන්න හොඳයි - පස්වාන් දහසක් - /// පස්වාන් දහසකට ආයු බොහෝ ‍වේවයි, බොහෝ වේවා ////


© M. M. Rohana Wasantha, එම්. එම්. රෝහණ වසන්ත 071416082/ 0723430028/ wasantha2010@gmail.com

නව ග්‍රහයින්ගේ සත් විසි සමය ගැන ගැනීමට පහසු කරවන චක්‍රයක් හා සත් විසි සමය පලාඵල ...

නව ග්‍රහයින්ගේ සත් විසි සමය ගැන ගැනීමට පහසු කරවන චක්‍රයක් එක්සෙල් ගොණුවක් ලෙසින් මෙහි දක්වා ඇති අතර එය බාගත කොට ඔබේ කේන්ද්‍රයේ ඒ ඒ ග්‍රහයින් කවර නම් සමයක සිටිනවාදැයි දැනගන්න. එහි රතු පාටින් දැක්වෙන කොටු තුළ පමණක් අදාළ අගයන් යොදා ගණනය කිරීම් කරන්න.

01 ස්නාන සමය

මධ්‍යම සුභඵල දෙන වකවානුවක් වශයෙන් දැක්විය හැකි අතර සෑම අංශයකම එකී මැදිහත් භාවය දැකගත හැකිය.

02 ගන්ධාලංකාර සමය

ඉතා යහපත් සුභඵල දැකගත හැකි වකවානුවක් ලෙස මෙය සඳහන් කළ හැකිය. මූලික මිනිස් අවශ්‍යතාවන් පරයා ද්විතීයික අවශ්‍යතා පූරණය කිරීමෙහිලා අගනා බලපෑමක් මෙහි දී ඇති කරයි.සුභ ග්‍රහයෙකු නම් යහපත් දේ වර්ධනය කරවීමත් පාප ග්‍රහයෙකුගේ තත්වයක් නම් එය කාමාශාවන් කෙරෙහි නැඹුරුතාවක් ඇති කිරීමත් මෙහි දී දැකගත හැකිය.

03 චන්දනාලේප සමය

අතිශයින් සුභඵල දායක තත්වයක් ලෙස දැක්විය හැකිය. උසස් අධ්‍යාපනාදී තත්වයන් විදෙස් සංචාර ගත ප්‍රතිලාභ, මෙන්ම ධන ලාභ, රාජ්‍ය හා ප්‍රභූ ආධාර, ලැබීමත් සුභ ග්‍රහ තත්වයක් යටතේ පොදු යහපතත් පාප ග්‍රහ තත්වයක් යටතේ ආත්මාර්ථකාමී ස්වභාවය වර්ධනය වීමත් දැකගත හැකිය.

04 ශිවනුෂ්ඨාන සමය

මධ්‍යම ස්වභා‍වයේ ඵල දෙන තත්වයකි. පුද පූජා පැවැත්වීමට යහපත් අතර සතුරු දමනයට යහපත් අතර සතුරන්ට තදින් පහර දීමට යොමු වන තත්වයක් දැකගත හැකි වෙයි.

05 ශිව පූන සමය

මිශ්‍ර ඵල ඇති කරවයි. වැඩි වශයෙන් අසුභ ඵල ඇති කරවීමට සමත් වෙයි.විවිධ රෝග තත්වයන් වර්ධනය වීමට ද බලපානු ලබයි. සුභ ග්‍රහ තත්වයක් යටතේ කණස්සල්ල වර්ධනය කරන අතර පාප ග්‍රහ තත්වයක් යටතේ ශරීර ගතව තුවාල වණ කැළැල් ඇති කරවීමට සමත් වේ.

06 අග්නිකාර සමය

අසුභ විපාක ඇති කරවයි. ධන හානි, දේපල හානි, සොර සතුරු උපද්‍රව ඇති කරවීමට හේතු වෙයි.‍ මෙම තත්වයේ දී සියළු ග්‍රහයින් අනිටු ඵල පමණක් ගෙන දෙයි.

07 විෂ්ණු පූජා සමය

මිශ්‍රඵල ඇති කරවයි.උත්සාහය මත පමණක් මෙකල්හි දී දියුණුව ගෙන දෙයි. සිතේ අසහනය ඇති කරවන අතර සුභ හා පාප ග්‍රහයින් දෙපිරිසම ‍එක ලෙසින් ක්‍රියාත්මක වන අවස්ථාවකි.

08 බ්‍රහ්ම පූජා සමය

මධ්‍යස්ථ ඵල දායී ලෙස සියළු කරුණු සඳහා යහපත් බව කිව හැකි මුත්ආදායම් වැඩිවනවා සේම අධික ලෙස වියදම් දැරීමට ද සිදුවන තත්වයක් ලෙස පෙන්වා දිය හැකිය.සුභ ග්‍රහ තත්වයන් යටතේ යහපත් දේ සම්පාදනය කරවා දෙන අතර පාප ග්‍රහ තත්වයන් යටතේ අනුන් පීඩාවට පත් කරවා වාසි අත් කර දෙයි.

09 නමස්කාර සමය

දීර්ඝායුෂ ගෙන දීමට මෙම තත්වයේ පසුවන ග්‍රහයා සමත් වෙයි. ධනය, බලය, ප්‍රසිද්ධිය වර්ධනය කර දෙන අතර සතුරු බල නසා සුභ ග්‍රහ තත්වයන් යටතේ මිතුරන් ඇති කර දෙන අතර පාප ග්‍රහ තත්වයන් යටතේ දැසි දසුන් ඇති කර දෙයි.

10 ප්‍රදක්ෂිණා සමය

සියලු දෑ අස්ථිර බව චංචල බව පසක් කරන තත්වයක් ලෙස දැක්විය හැකිය. සුභ ග්‍රහ තත්වයන් යටතේ ශාරීරික පීඩාවන් ද ලෙඩ රෝග ද ඇති කරන අතර පාප ග්‍රහයින් සැත්කම් හා අනතුරු ඇති කරවයි. අරමුණු රහිතව හිස් හැරුන අත ඇවිද්දවීමට යොමු කරවයි.

11 වෛශ්වදේව සමය

මධ්‍යස්ථ ඵල ඇති කරන තත්වයක් වන අතර මිත්‍ර සබඳතා, දේශපාලන සබඳතා පළුදු කරන තත්වයක් දැක ගත හැකිය. තමන්ට තරඟකරුවන් ඇති වේ. උත්සාහය මත පමණක් යම් සහනයක් ඇති කර ගත හැකි අතර පාප මිත්‍ර සේවනයට යොමු කරවයි.

12 අතීත පූජා සමය

ආත්මාර්ථකාමීත්වයට යොමු කරවයි. කවර හෝ මාර්ගයකින් තමන්ගේ ගොඩ වැඩි කර ගැනීමට යොමු කරවන තත්වයක් මෙකී තත්වය යටතේ දැක ගත හැකිය. වංචා රැවටිලි ආදී පාප ක්‍රියාවන්ට යොමු කරවයි. සුභ ග්‍රහ තත්වයන් යටතේ ගුප්ත විද්‍යාවන් සරණ යාම දැකගත හැකිය. පාප ග්‍රහයින් යටතේ නිධන් සෙවීමත් සොරකමේ යෙදීමත් දැකගත හැකිය.

13 භෝජන සමය

කෑදර වන අතරම අන් සත ‍දෑ තමන් සතු කර ගැනීමට යොමු වෙයි. වාත රෝගාබාධ ඇති කරවයි. පාප ග්‍රහ තත්වයන් යටතේ කොල්ලකෑම් වැනි දෑට යොමු කරවයි.

14 විද්‍යා ප්‍රසංග සමය

අසුභ ඵල ඇති කරවන තත්වයක් වශයෙන් දැක්විය හැකිය. සංවර බව ගිළිහී යයි. වචනය පාලනයෙන් තොරව භාවිත කරයි. අනුන් පීඩාවට පත් කොට සතුටු වන තත්වයන් දැකගත හැකිය. සුභ ග්‍රහ තත්වයන් යටතේ පහත් සිරිත් විරිත්වලට යොමු වෙයි. පර පණ නැසීම සිදු වන්නේ පාප ග්‍රහ තත්වයන් යටතේය.

15 කෝප සමය

මනෝ ව්‍යාධි තත්වයන් ඇති කරවීමට සමත් වන්නේ මෙම තත්වයයි. සුභ අසුභ කවර නම් ග්‍රහයෙකු වුවත් එම ග්‍රහයින්ගේ තත්වයන් පරයා මෙම විකල තත්වයන් ඉස්මතු කරවයි. දුක් කම් කටොළු ඇති කරවයි.

16 තාම්බූල භක්ෂණ සමය

සුභ ඵල ඇති කරන තත්වයකි. ප්‍රතිපත්ති රැකීමට යොමු වේ. නිවැරදි තීරණ වලට යොමු වෙයි. ජීවිතයේ ඇතිවන ගැටළු විසඳාගැනීමට අවශ්‍ය ශක්තිය ලැබෙයි. කවර ග්‍රහයෙකු යටතේ වුව ද මෙම තත්වයේ දී සමාජයේ හෙඳ නම රැකගෙන කටයුතු කිරීමට අවශය පරිසරය සකසා ගත හැකි වෙයි.

17 රාජ සමය

ප්‍රසිද්ධිය, ධනය සහ බලය ඇති කරවයි. පාප ග්‍රහ තත්වයක් යටතේ වෙසමුණි කුවේර බඳු ධන, බල ඇති කරවයි.

18 කිරීට ධාරණ සමය

බලය තහවුරු කර ගැනීමට අවශ්‍ය පරිසරය සකසා ගත හැකි වෙයි. තම වචනයට පිටින් කිසිවෙකුට කටයුතු කිරීමට ඉට නොතබන්නේ මෙම තත්වය යටතේය. සුභ ග්‍රහයින් සතුරන් මිතුරු කර දෙන අතර පාප ග්‍රහයින් සතුරන් වනසා දමයි. නායකත්වය සඳහා සහජ හැකියාවන් ඉස්මතු කරවන්නේ මෙම තත්වය යටතේය.

19 ජල පාන සමය

මධ්‍යම ඵල ඇති කරවයි. නමුත් අසුභ ඵල වැඩි කරවීමට සමත් වෙයි. සෙම් රෝග මෙන්ම බෝවන රෝග ද ඇති වන්නේ මෙම තත්වයන් යටතේය. පාප ග්‍රහ තත්වයන් යටතේ ලේ සෙළවීමට හේතු ඇති කරවයි.

20 ආලිංගන සමය

යහපත් නැත. මනෝ ව්‍යාධීන් ඇති කරවයි. වැඩ කටයුතු ඕනෑ කමින් අතපසු කරවයි. සෑම ග්‍රහයින්ම මෙම තත්වය යටතේ අළස ගති පෙන්වයි. රැකියාවන් පවා අහිමි කරවීමට හේතු ඇති කරවයි.

21 සයන සමය

අසුභ ඵල ගෙන දේ. මනෝ ව්‍යාධීන් ඇති කරයි. මතකය දුර්වලය, හීනමානය ඇති කරයි. යක්ෂ භූත බන්ධනාදියට නතු වෙයි.

22 අමෘත පාන සමය

සුභ ඵල ඇති කරවයි. සියල්ල නොමිලයේම ලැබෙන අතර ධනය, නිලතල ආදිය ලබා දෙමින් පාප ග්‍රහයින් පෙරමුණේ ගමන් යයි.

23 මදනාලංකාර සමය

ඉක්මන් විවාහයක් කර දෙයි. ස්ත්‍රී ඇසුර හා පෙම්හබ සඳහා නම යන්නේ මෙම තත්වයේ පසුවන ග්‍රහයින් කරණකොට ගෙන වන අතර සුභයින් යහපත් විවාහයකට අත දෙන අතරම පාප ග්‍රහයින් කාම නැඹුරුතාවය වැඩි කරවයි.

24 ලීලං සමය

සුභඵල ඇති කරවයි. ධන, වස්තු ගෙන දේ. හදිසි ධන ලාභ ඇති කරවයි.

25 රති ක්‍රීඩා සමය

අසුභය. තත්වයට නොගැළපෙන සේ ක්‍රියා කිරීමට යොමු කරවයි. වි‍රෝධතා ඇති කර ගනී. නින්දා අපහාස, හා අඩදබර ඇති කර ගැනීමට යොමු කරවයි. රජ වුවත් බලු වන තැනට කටයුතු යෙදෙයි.

26 නිද්‍රා සමය

යහපත් නැත. සියළු බලාපොරොත්තු සං වන තැනට කටයුතු යෙදෙයි. සිය දිවි හානි කර ගැනීමට යොමු කරවන්නේ මෙම තත්වයයි.

27 රංග සේනා සමය

දුෂ්චරිතවත් කරවයි. පහත් ආශාවන්ට ගොදුරු වී කටයුතු කරයි. ආධ්‍යාත්මික පරිහානිය සමග මත් පැන් ලෝලත්වය ඇති වෙයි. සූදුවට, කාන්තාවන්ට යොමු කර පිරිහීම ඇති කරවයි.



© M. M. Rohana Wasantha - 0714161082/0723430028 wasantha2010@gmail.com

Popular Posts

KENDARA SINHALEN - කේන්දර සිංහලෙන්