Thursday, July 28, 2011

සිව්වන පාඩම - ජගන්නාත හෝරා : වෛදික ජ්‍යෝතිෂ මෘදුකාංගය - අනුවාදය 7.51


ජගන්නාත හෝරා වෛදික ජ්‍යෝතිෂ මෘදුකාංගයෙහි 7.51 අනුවාදය සමගින් එහි මූලික තිරයේ ‘‘බේසික්” පැනලයෙහි අප තෙවන පාඩමේ දී නවත්වන්නට යෙදුන ස්ථානයේ සිට සිව්වන පාඩමට පිවිසෙමු.


වැඩි විස්තර කියවන්න
© M. M. Rohana Wasantha

නැකැත් සත් විස්ස හා බැඳි විරැකියාව, අධ්‍යාපනය

උසස් පෙළ විභාගය සමත් වුවත්, උපාධියක් ගත්තත් අනුනට අත නොපාන රැකියාවක් කර ගන්නපුළුවන් මට්ටමකට ජීවිතය ගොඩනගා ගැනීම ඉතාමත් අපහසු කාලයකයි අපි අද ජීවත් වෙන්නෙ. බොහෝ තරුණ තරුණියන්ට ප‍්‍රධාන ගැටළුවක් වී ඇත්තේතමුන්ගේ නොසැළකිල්ල මත හෝ ආර්ථික දුෂ්කරතා මත හෝ ලැබූ අඩු අධ්‍යාපනය නිසා හෝ ”රැකියාවක් තෝරාගැනීමේ දී කවර අංශයකින් තමුන්ගේ වෘත්තීමය අනාගතය තීරණය කළ යුතුද?” යන්න විසඳාගැනීමකි.

වැඩි විස්තර කියවන්න

© M. M. Rohana Wasantha

Tuesday, July 19, 2011

Commented on ... Sound Horoscope... on LANKA JHOTHISHA ARANA ලංකා ජ්‍යොතිෂ අරණ



Wisdom for All said...



සවුන්ඩ් හොරස්කෝප් පිළිබඳ තත්වානුරූපී විග‍්‍රහයකට ඉදිරිපත් වුන අප සහෘදයාට ස්තුති වන්ත වෙන අතර මෙහි පවතින විද්‍යාත්මක විග‍්‍රහය සහ පලාඵල පැවසීමේ දී ඒවා භාවිත කරන ආකාරය පිළිබඳ විස්තරයක් අවශ්‍ය බව මට හැගෙනවා. මේකට ප‍්‍රධාන හේතුව ආලෝකයේ වේගයෙන් තාරකා අතර දුර මණින අතර මෙබඳු තත්වයක් පිළිබඳ ගණනය කිරීමක දී ආලෝකයේ වේගයෙහි සංඛ්‍යාතය ඇසුරෙන් අල්ට‍්‍රා ලයිට් ෆ‍්‍රිකුවෙන්සීස් ගණනයන් මත තත්වානුරූපී ගණනයන් නාසා ආයතනය වැනි ආයතන මගින් සිදු කරනු ලබයි.

මෙහිදී පරිගණක ඇසුරෙන් නිර්මිත උපකල්පිත සෞරග‍්‍රහ මණ්ඩලයක ග‍්‍රහයින්ගේ චලිතයන් අනුව සිදුවන කෝණික අගයන් ගණනය කිරීමක් සිදු වන බව සැලකිය යුතුය. නමුත් මෙය තත්ත්වානුරූපී අගයට බොහෝ දුරට සමීප බව අප විසින් කරන ලද සමීක්‍ෂණ වලින් පැහැදිළි වූ කරුණකි.

මෙහි දී ග‍්‍රහයින්ගේ සිදුවන සංයෝග වියෝග තාවන් මෙන්ම ඒ ඒ අවස්ථානූරූපී පැහැදිලි කිරීම් සඳහා ජ්‍යෝතිෂයේ දී මෙම කෝණික ගණනයන් අවශ්‍ය වෙනවා. එසේම, මෙම කෝණික ගණනයන් මත කරන පැහැදිළි කිරීම් බොහෝ විට සාර්ථක පලාඵල නිශ්චයන් වන අතර ඒවා පිළිබඳ පැහැදිළි කර ගැනීම් සඳහා වෙනත් ලිපියක අවශ්‍ය තාව පවතින බව පෙනී යයි. මේ සියළු කරුණු පිළිබඳ සැලකීමේ දී පෙනී යන්නේ කෝණික ගණනයන් මත කළ හැකි ප‍්‍රකාශන සඳහා අප විසින් සිංහල බ්ලොග් පාඨකයින් ට හඳුන්වා දුන් ජගන්නාත හෝරා මූදුකාංගයෙහි ස්ටෙ‍්‍රන්ත් පැනලයේ වන අදර් ස්ටෙ‍්‍රන්ත් යටතේ දක්වා ඇති යෝග පිළිබඳ විස්තරය තුළින් එය මනාව පැහැදිළි කර ගත හැකිය. ඒ පිළිබඳ විස්තරාත්මක ලිපියක් ඉදිරියේ අප ජගන්නාත් හෝරා මෘදුකාංග සිංහල පාඩම තුළින් ඉදිරිපත් කිරීමට අදහස් කර සිටින බව දන්වනු කැමැත්තෙමි.

ස්තුතියි.
එම්. එම්. රෝහණ වසන්ත

© M. M. Rohana Wasantha

Friday, July 15, 2011

තෙවන පාඩම - ජගන්නාත හෝරා වෛදික ජ්‍යෝතිෂ මෘදුකාංගය අනුවාදය 7.51

ජගන්නාත හෝරා වෛදික ජ්‍යෝතිෂ මෘදුකාංගයෙහි 7.51 අනුවාදය සමගින් එහි මූලික තිරයේ ”බේසික්” පැනලය ඔස්සේ අප කළින් සාදා ගත් කේන්ද්‍ර සටහන උපයෝග කර ගනිමින් තෙවන පාඩමට පිවිසෙමු.
තෙවන පාඩම

© M. M. Rohana Wasantha

Tuesday, July 12, 2011

දෙවන පාඩම - ජගන්නාත හෝරා වෛදික ජ්‍යෝතිෂ මෘදුකාංගය අනුවාදය 7.51

ජගන්නාත හෝරා වෛදික ජ්‍යෝතිෂ මෘදුකාංගයෙහි 7.51 අනුවාදය සමගින් දෙවන පාඩම වෙතට අප යොමු වෙමු. දැන් ඔබ
විවෘත කර ගන්නා ලද මෘදුකාගයෙහි පහත වන මූලික තිරයේ සිට අප නැවත පාඩම පටන් ගනිමු.

දෙවන පාඩම

© M. M. Rohana Wasantha

දොරමඩළාව බුදු දහම හා ජ්‍යෝතිෂය

2011 ජූලි 11 වන දින ”බොරුව, කෙප්ප, කෙබර... ” යන මාතෘකාව යටතේ කරන ලද දොරමඩලාව සාකච්ඡුාව බලන ලද සුවහසක් ජනී ජනයා වෙත හා කේන්දර සිංහලෙන් බ්ලොග් අඩවියෙහි පාඨක ඔබ  වෙත සාදරයෙන් කරන පැහැදිළි කිරීමක් වශයෙන් මෙම ලිපිය පළ කරමි. මෙම ලිපිය දොරමඩළාවට පිළිතුරක් නොවේ. මෙය දොරමඩළාවට විරුද්ධ මත ප‍්‍රකාශ කිරීමක් ද නොවන බව සඳහන් කරනු කැමැත්තෙමි. එය පැහැදිළිවම ප‍්‍රකාශ කරමි. එහි පෙන්වා දුන් ජ්‍යෝතිෂය වවාගෙන කෑමක් සඳහා බුදු දහමේ ඇතුළත් දාර්ශනික සංකල්ප ඇසුරින් ජ්‍යෝතිෂ මතවාද ඉදිරිපත් කරන අය ඇතැයි කරන ලද ප‍්‍රකාශය තුළින් අප පාඨකයන් තුළ යම් සංකාවක් අප පළ කළ ලිපි සම්බන්ධයෙන් මතුවිය හැකි බැවින් අප විසින් පළ කරන ලද එකී ලිපි ලිවීමේ පරමාර්ථය පැහැදිළි කරමින් මෙම ලිපිය ලියමි.

හුදෙක් බුදු දහමේ ඇති උත්තරීතර භාවය හා එම ප‍්‍රතිපදා මාර්ගය පිළිබඳ කිසිදු සැකයක් අප තුළ නැත. බුදු රදුන් පවා මාලූක්‍ය පුත්ත භික්‍ෂුවට ”තථාගත තෙම සම්‍ය සම්බුද්ධ දැයි තම ශ‍්‍රාවකයන් විසින් විමසා බැලිය යුතු” බව වරක් ප‍්‍රකාශ කළ බව අප සිහිපත් කරමි. මූලිකව අප බුදු දහමේ ඇතුළත් දාර්ශනික සංකල්ප ඇසුරින් ජ්‍යෝතිෂය විග‍්‍රහ කිරීමට පෙළඹෙන ලද්දේ ”තථාගත තෙම සම්‍ය සම්බුද්ධ දැයි විමසා බැලීමට නොවේ”. තථාගතයන් වහන්සේ පෙන්වා දුන් කර්මය, කර්ම ඵලය යන කරුණු කෙරෙහි හුදෙක් පාඨකයා දැනුවත් කරලීමේ පරම චේතනාවෙන් බව පෙන්වා දිය යුතුය. මන්ද? කර්මය කර්ම ඵලය යන දෑ පිළිබඳ මනා වැටහීමකින් හා වරද කෙරෙහි භය ඇතිව කටයුතු කිරීමෙන් පුද්ගලයා විසින් කරනු ලබන ක‍්‍රියාවන්ගෙන් ඇතිවන ඵලය සතුට, ප‍්‍රීතිය හා චිත්ත සැනසීම සඳහා හේතු වෙයි.

මෙම තත්වය තුළ ජනිත වන ඵලය අප විමසා සිටින අවස්ථාවේ දී අප විසින් කරන ලද අකුලසල කර්මයෙහි ස්වාභාවය මත ඇතිවන අනිටු ඵල මගහැර ඉදිරියට යාමට නිවැරදි මාවතක් බුදුරදුන් දේශනා කොට ඇත. නමුත් මෙම දේශනාවන් ක‍්‍රියාවට නැංවීමේ දී මහජනයාගේ පුහුදුන් භාවයන් හේතුවෙන් එම භාවිතයන් විවිධ මාර්ග ඔස්සේ ක‍්‍රියාත්මක වන බව පැවසිය යුතුය.

තිත්ත බෙහෙතක් පැණිරස ගල්වා බොන්නට දෙන්නාක් මෙන් අප බුදු දහමේ කියැවෙන දාර්ශනික සංකල්ප, මතවාද ආදියෙහි වන මූලික ප‍්‍රතිපදාවන් ජ්‍යෝතිෂයෙහි පෙන්වා දෙන සෙනසුරු අපලය හෝ රාහු අපලය මත පිහිටා ඉන් මිදීමට අවශ්‍ය ප‍්‍රතිපදාවන් වශයෙන් උපයුක්ත කරමින් පුද්ගලයාට, සත්වයාට අත්වන අනිටු ඉරණම්කාරී ප‍්‍රවණතාවන්ගෙන් අත්මිදීමට අවශ්‍ය උපදේශනය ලබාදීමේ අරමුණින් යුතුව අප විසින් කළ කරන ලද විග‍්‍රහ ඇතුළත් ජ්‍යෝතිෂ ලිපි ලියන ලද බව අප පාඨකයන් දැණුවත් කළ යුතුය.

එසේම අනෙක් කරුණ වශයෙන් පෙන්වා දිය හැක්කේ විශ්වය, ලෝකය තේරුම් ගැනීම සහ මිනිසා තේරුම් ගැනීම සඳහා නොයෙක් විෂයයන් ලෝකයෙහි පහළ වී ඇති අතර ජ්‍යෝතිෂය ද ඒ ආකාරයෙන් මිනිසා තේරුම් ගැනීමේ තවත් එක් විෂය ධාරාවක් වශයෙන් පැහැදිළි කිරීම පරමාර්ථ කොට උක්ත ලිපි ලියන ලද බව ද පෙන්වා දෙනු කැමැත්තෙමි.

ජ්‍යෝතිෂය පිළිබඳ භාවිතයන්ට වසර 22ක අත්දැකීම් මත පිහිටා නොයෙකුත් විෂය කරුණු පිළිබඳ සහ කුඩා කල පටන් මේ දක්වා අප විසින් ලබාගත් අන්තර් විෂයීක දැණුම එකිනෙකට ගලපමින් සත්‍ය කුමක් ද යන්න පිළිබඳ අප වටාගෙන ඇති යම් දෙයක් වේ නම් එකී වටහා ගැනීම් පිළිබඳ කේන්දර සිංහලෙන් අඩවියෙහි පාඨක ඔබ සමග උක්ත අත්දැකීම් බෙදාහදාගැනීමේ පරමාර්ථයෙන් මෙම ලිපි කෙන්දර සිංහලෙන් බ්ලොග් අඩවියෙහි පල කරන බව සහෘද පාඨක ඔබට පැවසිය යුතුය.

ඔබට තෙරුවන් සරණයි
එම්.එම්. රෝහණ වසන්ත 0714161082


© M. M. Rohana Wasantha

Friday, July 8, 2011

මොකක්ද මේ ග්‍රහ අපල වලට හේතුව?

අපේ හඳහන බලපු කෙනා කියනවා ඔයාට අපලයක් තියෙනවා කියලා. ඉතින් ඊට පස්සේ බෝහෝ විට බෝධි ජූජා හතක් තියන්න, විසි එකක් තියන්න, කොඩි වැල් එල්ලන්න, දේව පූජා තියන්න, යන්ත්‍ර දාන්න, සතුන් නිදහස් කරන්න ආදි නොයෙකුක් දේවල් පස්සේ දුවනවා හේතු ඵලය දන්නේ නැති නිසා.
නිකමටවත් අපි කාටත් හිතුනද? අපල කියන්නේ මොනවද කියලා. ඒක නිසා මුලින්ම දැන ගන්න ඕනේ මොනවද මේ අපල කියන්නෙ කියලා. අපි විසින් ලෝකයාට (පෙර හෝ මේ අත්බැවේදි) කරපු අපරාදයක්, විනාශයක්, අවැඩක්, අසාධාරනයක් වගේ එකක ප්‍රතිඵලයක් තමයි අපලයක් කියන්නේ. ඒක නිසා තමයි බුදුරජාණන් වහන්සේ දේශනා කලේ තාරකා මොනවා කරන්නද, උඹලා කර ගත්ත දේවල් උඹලට ඵල දෙනවා කියලා. ඒවායේ බලපෑමක් නැහැ කියන එක නෙමෙයි මෙතන කියන්නේ. අපි දැන ගන්න ඕනෙ කර්ම ඵල වලට අනුව මේ වාගේ දුක් කරදර එන්න, අපි හේතුවක් හදලා තියෙනවා කියන එක. ඒක මුල් කරගෙන තමයි ඒවා ඇදිලා එන්නෙ. ඕවා ඵල දෙන අවස්ථාවන් කලින් දැන ගන්න පුලුවන් එක් ලෞකික ශාස්ත්‍රයක් තමයි ජෝතිෂ්‍යය කියන්නේ.
දැන් ඔය හැම එකක්ම ඵල දෙන්න ඒවාට සුදුසු පරිසරයක් හැදිලා තියෙන්නත් ඕනේ (හරියට කාර් එකක් ගමන් කරන්න රෝද හතරම ඕන වගෙ). නැත්නම් අපි පරිසරයක් සකස් කරගෙන ඉන්න ඕනේ. උපමාවක් කියනවා නම් වී ඇටයක් අටුවේ තිබ්බට පැල වෙන්නෙ නැහැ. ඒක සුදුසු (මඩ, ජලය, පොහොර, උෂ්ණත්වය) පරිසරයක පැලකලාම පැලවෙනවා. හැබැයි ආනන්තරීය අකුසල් වලට මේක ගැලපෙන්නේ නැහැ. ඒවා බාහිර පරිසරය හදාගෙනම පලිසන් දෙනවා.
එතකොට සෙනසුරු අපල කියන්නෙ ? කවුද සෙනසුරු කියන්නේ, දෙවි කෙනෙක්ද වගේ ප්‍රශ්ණත් එන්න පුළුවන්, අපි බලමු මේ දේවතාවන්ගේ තියෙන සම්බනධතාවය මොකක්ද කියලා. දැන් හිතන්න එක්තරා පිරිසක් ඉන්නවා, ලෝකයට කරදර කරන අය ඉන්නවා නම් ඒ පුද්ගලයින් එක්ක තර්ක කරලා හැපිලා, ගැටිලා මැඩ පවත්වන්න කටයුතු කරන. මෙන්න මේ ගති ලක්ෂණය යම් කෙනෙක් ලග තිබුනා නම් අන්න ඒ පුද්ගලයෝ බොහෝ අයගේ යහපත වෙනුවෙන් අයුක්තියට අසාධාරණයට පහර ගහලා (හැබැයි ලෞකිකයි) ඒ ලැබුනු පිනෙන් ගිහිල්ලා උපදිනවා ලෝක පාලක දෙවි දේවතාවන් හැටියට.
සසර ගමනේදී අපි අනුන්ට හෙන ගෙඩි දුන්නානම්, දුක් ගිනි දුන්නානම් ඒ පුද්ගලයාට දුක් ගිනි දුන්න එකේ විපාකයක් වශයෙන් ඇදිලා එනවා අනුන්ගෙන් ආධාරයක්, උපකාරයක් නොලැබෙන, දුක් කරදර ඇතිවෙන පරිසර මානසිකත්වයක් ගොඩ නැගෙන්න හේතු වෙන පරිසරයක්. ඒ අවස්ථා වල ඒ සදහා කටයුතු කරන්න ඉන්න ලෝක පාලක දේවතාවන්ට උදව් කරන්න හිතෙන්නේ නැහැ. ඒක හරියට අපිට හැම හිඟන මනුස්සයෙකුටම උපකාර කරන්න හිතෙන්නේ නැහැ වගේ දෙයක්.
මේක පැහැදිලි කර ගන්න අපි බලමු සෙනසුරු ලබපු වෙලාවට ගොඩක් අයට කරදර එන්නෙ කොහොමද කියලා. අපි ලෝකයාට කරපු අවැඩ, අසාධාරන පලිසන් දෙන වෙලාවට කියනවා සෙනසුරු අපල වෙනවා කියලා. අනුන්ට ඊරිසියා කරන, වෛර කරන හිංගි,හිංසා කරන, නීච කරන වැඩ පිලිවෙලක් කරගෙන යනවා නම් අපි ලඟ පරිසරයක් හැදිලා එනවා අපි පෙර කරපු එකේ විපකය ඇදිලා එන්න (හරියට ඉහත කිව්ව වී ඇටය පැල කරන්න අවශ්‍ය පරිසරය වගේ). ඕකට කියනවා අනන්තර සමනන්තර ප්‍රත්‍ය ක්‍රමය කියලා. මෙන්න මේ වෙලාව වෙන කොට තමයි අර ග්‍රහ දේවතාවන්ටත් අහු වෙන්නේ ඔය කොටස. ඉතින් අපි දැනුත් ඊරිසියා, වෛර, ක්‍රෝධ කරන ගමන් ග්‍රහ දේවතාවන්ටත් පූජා වට්ටියක් දීලා සැනසිල්ලක් බලපොරොත්තු වෙනවා. අපි දකින්න ඕනේ ග්‍රහ දේවතාවන් සතුටු වෙන්නේ කොහොමද කියලා. ග්‍රහ දේවතාවන් පෙර මනුෂ්‍යයන් වෙලා ඉන්න කලේ සතුටු වුනේ අනුන්ට අයහපතක් නොකරනවා නම්. එහෙනම් අදත් ඒ පුද්ගයන්ගෙ තියෙන ගති ලක්ෂනය වෙන්න ඕනෙ ඒක නේද.
ඒ වගේම ජෝතිෂ්‍යයේ මෙහෙම කියලා තියෙනව “පංච දුෂ්චරිතයෙන් වැලකෙන්නන්ට ග්‍රහයෝ අපල නොකෙරෙති”.
හේතුව සහ ඵලය දන්නවා, “හේතුව නිරෝධ කිරීමෙන් ඵලය නිරෝධ වේ” යන ආකාරයට බලමු කොහොමද අපල නැතිකර ගන්නේ කියලා. මෙහිදි ක්‍රම දෙකක් තියෙනවා. එකක් තමයි උපක්‍රමයක් කරලා බේරෙන එක (හරියට කෙනෙක්ගෙන් ණයක් අරගෙන ඒක ආපහු දෙන්නෙ නැතුව, නඩු කියලා බේරෙනවා වගෙ). හැබැයි ඒක තාවකාලිකයි (අර ණයහිමියා කොහි මොහොතේ හෝ බලං ඉන්නවා දීපු ණය ආපහු ගන්න, හොඳින් හෝ නරකින්). මේක තමයි අද ගොඩක් මිනිස්සු කරන්නේ. බෝධි පූජා තියෙලා, කොඩි වැල්, යන්ත්‍ර වගේ දේවල් එල්ලගෙන. මේකේ ප්‍රතිඵල නැහැ කියලා නෙමෙයි කියන්නේ. හැබැයි මේ සියල්ල ග්‍රහ අපල පලිසන් දීම වැලැක්වීම ( ග්‍රහ අපල පලිසන් දෙන පරිසරය වෙනස් කිරිම) සදහා කරන තාවකාලික උපක්‍රම පමණයි. අවස්ථාවක් නැවත උදා වු විට ඒවා නැවත ඇදී එනවා (අර කියපු ණය හිමියා ආපහු එනවා ණය ගත්ත කෙනා දුර්වල වෙච්ච වෙලාවක). අපි මොනවා කලත් ධර්මතාවය වෙනස් කරන්න බැහැ.
එහෙනම් මොකක්ද මේ ධර්මතාවය. ධර්මතාවය තමයි කරපු අසාධාරණයට වන්දි ගෙවන එක. වන්දි ගෙවන්නේ නැතිව මේවායින් මිදෙන්න කවදාවත් බැහැ. මේකට අපි උදාහරණ කිහිපයක් ගෙන බලමු. හරියට ඇවිද ගන්න බැරි හෝ කකුල් අමාරුවක් තියෙන හෝ කකුල් කැඩුනු පුද්ගලයෙක් ගැන අපි හිතමු. අනන්ත සසරේ ඒදඞු, මං මාවත් වහලා දාලා. නැත්නම් උගුල් අටවලා කරපු අසාධාරණයේ විපාකය තමයි ඕක. ඉතින් ඕක විපාක දෙන්න කලින් අපිට කරන්න පුළුවන් එහෙම අපලයක් තියෙනවා නම් කලින් දැනගෙන (හඳහන් බැලීමෙන් කරන්නේ මෙන්න මේ කලින් දැනගැනීමයි), මං මාවත් හදලා දීලා, ඒ දේවල් වලින් විපාක විදින මිනිසුන්ට උදව් උපකාර කරලා, ඒ ලැබෙන පින අපි විසින් පෙර කලකදී අසාධාරණයක් කරපු පුද්ගලයන් හට අනුමෝදන් කරවන්න පුළුවන්. මෙතනදී අපි ඒ පුද්ගලයන්ව දැනගෙන ඉන්න අවශ්‍ය නැහැ. ඒ වගේම දැනට ඉන්න කොහෙද, ඒවා දැනගන්නත් අවශ්‍ය නැහැ.
“අනන්ත සංසාරයේ [මාගෙන්] යම් කිසි සත්වයකුට හෝ සත්ව කොට්ඨාශයකට අවැඩක්, අසාධාරණයක් සිදු වී තිබෙනවා නම්, මා මේ කරගත්ත පින හේතු කොට ගෙන ඔවුන් කෙබඳු භවයක, කෙබඳු උපතක සිටියත් මේ පින් විහිදි පැතිරි පිහිටාවා.”
මෙහිදි [මාගෙන්] යන කොටසට අපිට අපල තියෙන අපගේ හිතවතෙකුගේ නම යොදන්නත් පුලුවන්. දැන් යම් කිසි කෙනෙකුට හිතෙන්න පුලුවන් අපේ අතින් අවැඩ අසාධාරණය වෙච්ච පුද්ගලයෝ මිනිස් අත්භවයක සිටියොත් කොහොමද අපි දෙන පින් අනුමෝදන් වෙන්නේ කියලා. දැන් හිතන්න අපි දහවල් වේලාවක (තදින් අව්ව තියෙන, දුවිල්ල තියෙන) පයින් ගමනක් යන විට අපි අඳුනන කෙනෙකු හමුවී හොඳට A/C තියෙන වාහනය අපිව ගෙනියනවා කියලා. ඒ වගේ අවස්ථාවක් වෙන්න පුලුවන් අර කරපු පින අනුමෝදන් වෙන. තවත් උදාහරණයක් කිව්වොත්, අපට සමහර වෙලාවලට අපිට මහත් චිත්‍තප්‍රීතිය දැනන වෙලාවල් එනවා, ඒ වෙලාවට හිතෙනවා කරන ඕනම හොඳ වැඩක් හරියනවා කියලා.
මෙන්න මේ දේවල් වලින් අපි කරපු කර්මයේ ප්‍රමාණය අනුව වන්දිය ගෙවී අවසන් වෙනවා (හරියටම කර්මයක විපාක ගෙවන කාලවකවානු කියන්න පුළුවන් බුදුපියාණන්වහන්සේට පමණයි). මේක තමයි අනෙක් ක්‍රමය, අපල වලට ප්‍රතිකර්මය. තවද යහපත් වැඩ පිළිවෙලක් ලෝකයාට කරලා සිද්ධ කරලා දේවත්වය ලබා ඇති ග්‍රහ දේවතාවන්ටත් මා අද කර ගත්ත පින අනුමෝදන් වෙත්වා කියා අනුමෝදන් කරන්න පුලුවන් (මේක කපටි කමට හොරට කරන අනුමෝදනාවක් නොවිය යුතුයි). එවිට ඒ දේවතාවනුත් සතුටු වි අපට යම් අපලක් පලිසන් දීමට තියෙනවා නම් එය පලිසන් දීමට අවශ්‍ය කරන පරිසරය වෙනස් කිරිමට මැදිහත් වෙනවා. අපි විසින් දස අකුසල් කරලා හට ගත්ත අවැඩ අසාධාරණ තමයි මේ සියලුම ග්‍රහ අපල කියන්නේ. ඉතින් අපි මේ හැම එකකම හේතු ඵල දකින්න ඕනේ. දස අකුසලයෙන් වෙන් වෙලා සියළුම ලෝක සත්වයාට මෙත් සිතකින් කාය කර්ම, වචි කර්ම, මනෝ කර්ම අවංකවම කරන්න ඕනේ. හැබැයි තමන්ගේ වාසියට නෙමෙයි. මේ හේතුවෙන් ලෝක සත්වයාට වෙන අවැඩ අවංකව අවබෝධ කරගෙන කරන කෙනාට යම් දවසක අපල ගෙවිලා අවසන් වෙනවා (මේක තමයි මම අර කලින් පෝස්ට් එකේ සඳහන් කලේ “පංච දුෂ්චරිතයෙන් වෙන්වූවන්ට ග්‍රහයෝ අපල නොකෙරෙති” කියලා). ඉතින් අපි අවංකවම අයතන සංවරයෙහි පිහිටන්න ඕනේ, නැවත එම අපලය ඇති වෙන්න තියෙන හේතු නැති කරන්න.
ඉතින් මේක තමයි අපි දකින්න ඕන ක්‍රමය. අපලයත්, අපලයට හේතුවත්, අපලය නිරෝධ කරගන්න ක්‍රමයත්, නිරෝධ කරගන්න මාර්ගයත්. ඕක තමයි ඥාණවන්ත ක්‍රමය. එහෙනම් ඒ නරක ප්‍රතිඵලය නොලැබෙන්න නම් හේතුව දැකලා ඒ හේතුව නැති කර ගන්න ඕනේ. මෙන්න මේ ආකාරයට කටයුතු කරන්න පටන් ගත්විට කරදර බාධා අඩු ජීවිත ගත කරන්න හේතු වාසනාව උදා වෙනවා.




-- 
~~~ සබ්බදානං ධම්මදානං ජිනාති ~~~http://groups.google.com/group/amadamgagula

© M. M. Rohana Wasantha

පළමු පාඩම ජගන්නාත හෝරා වෛදික ජ්‍යෝතිෂ මෘදුකාංගය අනුවාදය 7.51






ජගන්නාත හෝරා වෛදික ජ්‍යෝතිෂ මෘදුකාංගයෙහි 7.51 අනුවාදය ඔබගේ පරිගණකයෙහි මේවන විට ස්ථාපනය කර ගෙන එහි අතුරු මුහුණත් පිළිබඳ අවබෝධයකින් යුතුව කටයුතු කර ඇතැයි සිතන නමුත් මුල සිට සරළව මෙම පාඩම් පෙළ ඉදිරිපත් කිරීමට අප අදහස් කරන බැවින් මෙම මෘදුකාංගය භාවිත කොට කේන්දරයක් සාදාගන්නා ආකාරය පිළිබඳව මවිසින් ඉහත දී කෙටි සටහනක් ඉදිරිපත් කරන ලද අතර එහි මෘදුකාංගය පරිගණකයෙහි ස්ථාපනය කර ගන්නා අයුරු දක්වා ඇත. එබැවින් ස්ථාපනය කරන ලද මෘදුකාංගය භාවිත කොට කටයුතු කරන අයුරු පැහැදිළි කිරීමට අදහස් කරමි.

1. මෘදුකාංගයෙහි අතුරු මුහුණත් පිළිබඳ අවබෝධය ලබාගැනීම

Jagannatha Hora : Vedic Astrology Software, Virsion 7.51 - Sinhala Lesson 01


© M. M. Rohana Wasantha

Popular Posts

KENDARA SINHALEN - කේන්දර සිංහලෙන්