හම්බන්තොට දිස්ත‍්‍රික් ජ්‍යෝතිර්වේදීන්ගේ සංගමයෙහි ගරු උපදේශක
සෞන්දර්ය කලා විශ්වවිද්‍යාලයේ බාහිර කථිකාචාර්ය
එම්. එම්. රෝහණ වසන්ත මහතා
අභිනවයෙන් රචිත
පලාඵල කථනයට දශාඵල රහස්
නමැති කෘතිය වෛදික ජ්‍යෝතිෂ ශාස්ත‍්‍රය තුළ මෙතෙක් හෙළ බසින් දශා ඵල සම්බන්ධයෙන් ලියැවී ඇති කෘතීන් අතර පෙරමුණේ තැබිය හැකි ග‍්‍රන්ථයකි.
පරාශර මහ ඍෂිතුමන් මහා බ‍්‍රහ්මයා වෙතින් ලද ජ්‍යෝතිෂ ශාස්ත‍්‍රය මෛත‍්‍රී බ‍්‍රාහ්මණ ශිෂ්‍ය හට ලබාදුන් අවස්ථාවේ දී කලියුගයට වඩාත් උපයෝගාත්මකව භාවිත කළ හැකි නක්ෂත‍්‍ර දශාවක් ලෙස විම්ශෝත්තරී දශාව හඳුන්වා දෙන ලදී. එකී දශාවේ විවිධ වූ ව්‍යතිරේක අනුව සඳුගේ පිහිටීමට අමතරව වෙනත් ස්ථානීය ලක්‍ෂයන් රැසක් ඇසුරින් විම්ශෝත්තරී දශාව ගණනය කරන බව පෙන්වා දෙන ලද අතර එහිලා පී. වී. ආර්. නරසිම්හ රාවෝ මහතා විසින් සකසන ලද "ජගන්නාථ හෝරා මෘදුකාංගය," තත් සංකීර්ණ හා සංවිධිත ගණනය කිරීම් සඳහා උපකාරක මෙහෙයක් සිදුකරයි. කතුවරයා තත් මෘදුකාංගය හැසිරවීම ගැන සිංහල බසින් කෘතියක් ද එළි දක්වා ඇත.
විම්ශෝත්තරී දශාවට අමතරව ග‍්‍රහ පිහිටීම්වල ආවස්ථික කොන්දේසි අනුව ගණනය කළ යුතු දශාක‍්‍රම රැසක් ද වෙනත් දශාක‍්‍රම සතළිහකට අධිකව ද ක‍්‍රියාත්මක වන නමුත් ඒවායේ භාවිතය සම්බන්ධයෙන් පවතින රීතීන් හා පොදුවේ භාවිත කළ හැකි රීතීන් සියයකට අධිකව පැහැදිළි කරමින් කතුවරයා මෙම ගත සකසා ඇත. මෙම ගත සම්පාදනයේ දී වෛදික ජ්‍යෝතිෂ විෂයෙහිලා රෝහණ වසන්ත මහතා දරණ ලද ව්‍යායාමය ප‍්‍රශංසනීය එකක් බව උදක් ම කිව යුතුය.
ජ්‍යෙෂ්ඨ කථිකාචාර්ය පියනන්ද රූපසිංහ උඩරට නර්තන අධ්‍යයනාංශය, සෞන්දර්ය කලා විශ්වවිද්‍යාලය, ශ‍්‍රී ලංකාව.
.jpg)
No comments:
Post a Comment
ඔබගේ ප්‍රතිචාරය කර්තෘ අනුමැතියට යටත්ව අඩවියෙහි ප්‍රකාශයට පත් කෙරනු ඇත.
© M. M. Rohana Wasantha