KENDARA SINHALEN - කේන්දර සිංහලෙන් පාඨක ඔබ විමසා සිටි පොරොන්දම් පරීක්ෂාව පිළිබඳ ගැටළු තුනක්.
1.නැකත් පොරොන්දම ගැලපෙන්නේ නැති හදහන් අනිවාර්යෙන්ම විවාහයට විපත් ද?
ජන්ම, අනු ජන්ම, ත්‍රි ජන්ම -පරිචිත ලක්ෂණ සම්ප්‍රේෂණ දෝෂ ඇතිවිය හැකි තත්වයකි.
සම්පත්, අනු සම්පත් , ත්‍රි සම්පත් - හිතප්‍රත්‍ය සම්පත් දායකත්වය ඇති වේ.
විපත්, අනු විපත්, ත්‍රි විපත් - දුක්ඛ දෝමනස්සයන් ඇති වෙයි.
ක්ෂේම, අනු ක්ෂේම, ත්‍රි ක්ෂේම - මධ්‍යස්ථ ඵල දායක තත්වයකි.
ප්‍රත්‍යාරි, අනු ප්‍රත්‍යාරි, ත්‍රි ප්‍රත්‍යාරි - හිතප්‍රත්‍ය සම්පත් විනාශ මුඛයට වැටේ.
සාධක, අනු සාධක, ත්‍රි සාධක - සර්වාර්ථ සිද්ධි සාධන තත්වයක් ඇති වේ.
වධ, අනු වධ, ත්‍රි වධ - මානසික හා කායික වධය පිණිස හේතු වේ.
මෛත්‍රී, අනු මෛත්‍රී, ත්‍රි මෛත්‍රී - බ්‍රහ්ම විහාරී ගුණයෙන් යුතු වේ.
පරමෛත්‍රී, අනු පරමෛත්‍රී, ත්‍රි පරමෛත්‍රී - අති බ්‍රහ්ම විහාරී ගුණයෙන් යුතු වේ.
මෙම තත්වයන් යටතේ කවර ගණයකට වැටේ දැයි බලා තීරණය කළ යුත්තකි.
2. යෝනි, නාඩි, ලිංග පොරොන්දම් ගාලපුනොතින් එම නැකත් දෝෂය භංග වෙනවා කියන්නේ ඇත්තක්ද? එසේනම් මේ සියල්ලම ගැලපිය යුතුමද?
යෝනි පොරොන්දමලිංගික තෘප්තිය ද ලිංග පොරොන්දම ලිංගික හැසිරීම ද පෙන්වා දෙන බව විසිපොරොන්දම්වල විද්‍යාත්මක පැතිකඩ නමැති ලිපියේ පෙන්වා දුන් අතර
යෝනි පොරොන්දම - ලිංගික තෘප්තිය යහපත් විටෙක දී සහ
ලිංග පොරොන්දම - ලිංගික හැසිරීම යහපත් විටෙක දී ඉහත පෙන්වා දුන් පහත සඳහන් කරුණුවල ඇතිවිය හැකි ගැටළුමය තත්වයන් වැලකීමට ඇති ඉඩ ප්‍රස්ථා භංග වීමට නම් අනිවාර්යයෙන්ම ග්‍රහ පොරොන්දමේ පාපාංශක තත්වයන්ගේ අගයන් කවර මට්ටමක පවතීදැයි විමසා බලා තීරණයකට එළඹිය යුතුවෙයි.
ජන්ම, අනු ජන්ම, ත්‍රි ජන්ම -පරිචිත ලක්ෂණ සම්ප්‍රේෂණ දෝෂ ඇතිවිය හැකි තත්වයකි.
විපත්, අනු විපත්, ත්‍රි විපත් - දුක්ඛ දෝමනස්සයන් ඇති වෙයි.
ප්‍රත්‍යාරි, අනු ප්‍රත්‍යාරි, ත්‍රි ප්‍රත්‍යාරි - හිතප්‍රත්‍ය සම්පත් විනාශ මුඛයට වැටේ.
වධ, අනු වධ, ත්‍රි වධ - මානසික හා කායික වධය පිණිස හේතු වේ.
3. ග්‍රහ පොරොන්දමට අදාලව ගණනය කිරීම් කරන්නේ කොහොමද? සුබ අසුබ තීරණය වන්නේ කෙසේද? (පරිගණක මෘදුකාංගයෙන් එන ග්‍රහ පොරොන්දම් ප්‍රතිපලය ගැටළු සහිත)
ග්‍රහ පොරොන්දම ප්‍රදාන පොරොන්දමක් නොවුනත් බොහෝ විට නැකත් වලට පසුව එහි ගැලපීම බලන්නේ කුමක් නිසාද?
නැකැත් පොරොන්දම යනු ජන්මියා උපන් නැකත අනුව විමසා බැලෙන තත්වයකි. උපන්නැකත යනු උපතේ දී චන්ද්‍රයා සිටි නක්ෂත්‍ර කාණ්ඩයයි. චන්ද්‍රයා යනු මිනිස් සිතට අධිපතිත්වය දරන ග්‍රහයාය. මිනිස් සිත සියළුම ධර්මතාවන්ට බලපාන ප්‍රධානතම සාධකය බව බුදුරදුන් ද "මනෝපුබ්බංගමා ධම්මා - මනෝ සෙට්ඨා මනෝමයා..." යනුවෙන් දක්වා ලූ කල නැකැත් පොරොන්දමේ පවතින අද්විතීය වැදගත්කම හා අත්‍යාවශ්‍යතාව පැහැදිළි වෙයි.
ග්‍රහ පොරොන්දමට අදාළ ගණනය කිරීම් සඳහා ලග්නය, චන්ද්‍රයා, හා සිකුරු යන ග්‍රහයින්ගෙන් 1,2,7,8 යන භාවයන්හි දී තැන්පත් ග්‍රහයින් අනුව ඒ ඒ තැන්පත් ග්‍රහයින්ගේ තත් රාශියට තිබූ සම, මිත්‍ර, අමිත්‍ර, ස්වක්ෂේත්‍ර, උච්ඡ යන උප්පත්ති නිසර්ග තත්වයන් මත ලබාදෙන ඇගයීම් ලකුණු පාපංශක වශයෙන් ගණනය කෙරේ. මීට අමතරව ස්තී පුරුෂ දෙදෙනාගේම කේන්ද්‍රවල පවතින විෂ දෝෂ, වැන්දඹු දෝෂ, විකලාංග දෝෂ, මාතුල හා පිතු නාශ දෝෂ, දාරක නාශ දෝෂ , භාතෘ නාෂ දෝෂ, කුල නාශ දෝෂ, ව්‍යාභිචාර දෝෂ ආදී විශේෂිත ග්‍රහ පිහිටීම් කවර මට්ටමක පවතීදැයි විමසීම ද ග්‍රහ පොරොන්දමේ දී විමසා බැලිය යුතු කරුණු වශයෙන් පෙන්වාදිය හැකිය.
පරිගණක මෘදුකාංග කෙතරම් මෙම අවකාශය තුළ කටයුතු කරනවාද යන්න පිළිබඳ පවතින්නේ එක් අදහසක් පමණි. පරාශර ලයිට් 7 මෘදුකාංගය මෙම මෘදුකාංග අතරින් ඉහළම තැන සිටින අතර ඇස්ට්‍රොවිෂන් ලයිෆ් සයින් මෘදුකාංගයේ නවතම සංස්කරණයක් මෙකී අවකාශය තුළ යම් තැනක හිඳින බව පැවසිය හැකිය. නමුත් මෙම මෘදුකාංග දෙකම ඉතා ඉහළ මිල ගණන් කැප කළ යුතු මෘදුකාංග වශයෙන් පෙන්වා දිය හැකිය. එසේම ගෝරාවනී නමින් යුතු මෘදුකාංගයක් ද මේ පමණකට අවකාශය තුළ සම්පත් දායකත්වයක් සපුරා ඇති බව පැවසිය යුතුය.
සාමාන්‍ය පාඨක ඔබ කොළඹ විශ්ව විද්‍යාලයේ සරත් සෝමසිරි නමින් හඳුනන පරිගණක විද්‍යාව පිළිබඳ කථිකාචාර්‍ය්‍යවරයා විසින් 1995 වසරේ දී "සී පරිගණක භාෂාවෙන්" මුලින්ම සරල නමුත් නිරවද්‍යතාව අනුව ඉහළ අගයක පැවැති Fortune Teller.exe , Astro.exe හා Match.exe නමින් අප සමාජයේ පැවති මෘදුකාංග යම් පමණකට අවශ්‍යතාව සපුරාලූව ද යථෝක්ත කරුණු කවර පදනමකින් පසුරාලන්නේ ද යන්න අපට ද ගැටලුවකි.
© M. M. Rohana Wasantha 0714161082/ 0723430028/ wasantha2010@gmail.com
.jpg)
මම අසු ප්‍රශ්න පිලිබදව සම්පූර්ණ ලිපියක් පල කීරීම පිලිබදව ඔබතුම බොහොම ස්තුති.
ReplyDeleteමෙම විස්තරය අනුව පෙනී යන්නේ නැකත් නොගැලපුණු විට එය ගැලපේද යන්න පරික්ෂ කිරීම පහසු දෙයක් නොවන වග නේද? පොරොන්දම් ගැලපීමට යාමේදී නැකත නොගපුනු පමණින් එම කේන්ද්‍ර විපත් ලෙස සලක අයින් කීරීම නොසුදුසු නේද? කේන්ද්‍ර විශාල ප්‍රමාණයක් සමග ගැලපීම පරික්ෂා කිරීමට මෙයට වැඩ සාර්ථක ක්‍රමයක් තිබේද?
එක් එක් නැකතට නැකතට 'ඉතා සුබ', 'සුබ', මද්යම, අසුබ, ඉතා අසුබ ලෙස පොරොන්දම් ගැලපීමේදී වර්ග කරනවා නේද? ඒ අනුව උත්රපුටුප නැකතට 'ඉතා සුබ', 'සුබ', මද්යම, අසුබ, ඉතා අසුබ නැකත් වර්ග මොනවද? ම මෙම ප්‍රශ්නය අසන්නේ විවිද ජෝතිර්වෙදීන් විවිද ලෙස නැකත් ගැලපීම කීරීම පිලිබදව අත්දැකීම් ඇති නිසාවෙනි.
නොමිලේ ලබාගත හැකි පොරොන්දම් ගැලපීමේ මුදුකාංග මොනවද? මේ වනවිට විශාල මුදලක් පොරොන්දම් ගැලපීම උදෙසා වියදම් කර ඇත්තෙමි.
ඔබතුමාට බොහොම ස්තුති.
Lasitha ගේ ප්‍රශ්නයට පිළිතුරක් වශයෙන් කිව හැක්කේ නැකතේ තත්වය පමණක් හෝ නැකත පමණක් දැන කිසිත් කිව නොහැකි බවයි. පොරොන්දම් පරීක්ෂා කොට පමණක් යමක් කිව හැකි අතර මට්ටකුණ්ඩලී ගේ පියා මෙන් අසන ප්‍රශ්නවලට දියහැක්කේ බෙහෙත ගත්විට දිව ඔසුවක් වන බෙහෙතත් සයනයිඩ් වන අවස්ථා සඳහා පමණි.
ReplyDelete