ලෝක යුධ තත්වයක් මවන පක්ෂ දෝෂයෙන් ඇළලුන ද්විග්‍රහණ යෝග ඵල ...

2026 මාර්තු 6 වන දින ෆේස්බුක් සමාජ මාධ්‍ය ජාලයේ අප පළ කරන ලද ලිපිය සංරක්ෂණ 

උපායමාර්ගයක් ලෙස නැවත පළ කිරීමකි෴

Facebook link: https://www.facebook.com/share/p/1C4uas6TCE/

වෛදික ජ්‍යෝතිෂයේ එන ‘සංහිතා’ ශාස්ත්‍රයට අනුව, පක්ෂයක් (දින 14-15 ක කාලයක්) තුළ ග්‍රහණ දෙකක් සිදුවීම "පක්ෂ දෝෂය" හෙවත් "කුප්‍රකට ද්වි-ග්‍රහණ යෝගය" ලෙස හැඳින්වේ. 

මෙය මහා භාරත යුද්ධයට පෙර සිදු වූ ‘භීෂ්ම පර්වයේ’ සඳහන් අසුබ නිමිත්තට සමාන තත්ත්වයකි.

වර්තමාන (2026) වර්ෂයේ සිදු වූ/සිදුවන ග්‍රහණ මාලාව සහ මධ්‍ය දේශයේ (Middle East) පවතින යුදමය වාතාවරණය අතර සම්බන්ධය පිළිබඳ නාරද සංහිතා, මානසාගරී සහ බෘහත් සංහිතා මූලධර්ම ඇසුරින් ශාස්ත්‍රීය විග්‍රහයක් කළ හැකිය.

පක්ෂ දෝෂය සහ මහා භාරත පූර්වාදර්ශය සැලකීමේ දී

මහා භාරතයේ භීෂ්ම පර්වයේ (අධ්‍යාය 3, ශ්ලෝක 29) දී ඇතිවූ ව්‍යසනකාරී ග්‍රහණ තත්ත්වය මෙසේ විග්‍රහ කර ඇත .

"Caturdaśīm pañcadaśīm bhūtapūrvāñca ṣoḍaśīm |

Imāntu nābhijānāmi amāvásyām trayodaśīm ||"

මෙහි අර්ථය වන්නේ සාමාන්‍යයෙන් පසළොස්වක හෝ අමාවක දින 15 කින් පැමිණියද, දින 13 කින් හෝ 14 කින් ග්‍රහණ යුගලයක් සිදුවීම මහා ලේ වැගිරීමකට මග පාදන බවයි. 

2026 වර්ෂයේ ද මෙවැනි ග්‍රහණ මාලාවන් රාශි චක්‍රයේ ගිනිමය (Aries/Leo/Sagittarius) හෝ වායුමය රාශිවල සිදුවීම භූ-දේශපාලනික අස්ථාවරත්වයට සෘජුවම බලපාන බව කිව හැකිය.

නාරද සංහිතාවට අනුව "ග්‍රහණ පල" සහ යුදමය වර්ධනය පිළිබඳ ⁣තොරතුරු දැක්වෙයි.

නාරද සංහිතාවේ ග්‍රහණ පරිච්ඡේදය පෙන්වා දෙන්නේ ග්‍රහණයක් සිදුවන රාශිය සහ එහි අධිපති ග්‍රහයා පීඩාවට පත්වීම රජ්‍ය නායකයන්ගේ පතනයට සහ යුද්ධයට හේතු වන බවයි.

 * මධ්‍ය දේශය (Middle East) කෙරෙහි බලපෑම දැඩිව සිදුවන බව දක්වා ඇත.  මේ වසරේ ග්‍රහණ සිදුවන කාලසීමාවේදී අඟහරු (Mars) සහ සෙනසුරු (Saturn) ග්‍රහයන්ගේ දෘෂ්ටි සංයෝගය "කුරිරු" තත්ත්වයක් නිර්මාණය කරයි.

 නාරද සංහිතාවේ දැක්වෙන අන්දමට 

 "Yadi pañcadaśe pakṣe grahaṇam syāt tadā nṛpāḥ |

Vigrahaṃ kurvate sarve śastra-pāṇyā jighāṃsavaḥ ||"

(පසළොස්වක පක්ෂය තුළ ග්‍රහණයක් සිදුවන්නේ නම්, රජවරුන්/රාජ්‍ය නායකයන් ආයුධ අතට ගෙන එකිනෙකා විනාශ කරගැනීමේ යුද්ධයකට එළඹෙති.

මෙය වර්තමාන මැද පෙරදිග කලාපයේ (ඉරානය, ඊශ්‍රායලය සහ අසල්වැසි රටවල්) පවතින "ප්‍රොක්සි" යුද්ධ තත්ත්වයෙන් ඔබ්බට ගිය සෘජු ගැටුම් දක්වා වර්ධනය වීමේ අවදානම පෙන්නුම් කරයි.

මානසාගරී ග්‍රන්ථයට අනුව අනාගත ප්‍රතිවිපාක මෙසේ අවධාරණය කළ හැකිය.

මානසාගරී ග්‍රන්ථය අවධාරණය කරන්නේ ග්‍රහණ දෙකක් අතර පවතින කාලය කෙටි වන තරමට ජන සංහාරක ස්වභාවය වැඩි වන බවයි.

ගුවන් සහ මිසයිල ප්‍රහාර සඳහා බලපාන තත්වයන් වන්නේ රාහු සහ අඟහරුගේ බලපෑම මත සිදුවන මෙම ග්‍රහණ වායුමය සහ ගිනිමය තත්ත්වයන් නියෝජනය කරන බැවින්, නූතන යුද සන්දර්භය තුළ මෙය මිසයිල සහ ඩ්‍රෝන ප්‍රහාර (Airborne warfare) තීව්‍ර වීම සංකේතවත් කරයි.

ලෝක ආර්ථික කඩාවැටීමට හේතු වන බව මානසාගරීය අනුව පෙන්වා දිය හැකිය. එහි පෙන්වා දෙන්නේ මෙවැනි ග්‍රහණ මාලාවකින් පසු ධාන්‍ය සහ ඉන්ධන (තෛල) මිල ඉහළ ගොස් ලෝක අර්බුදයක් නිර්මාණය වන බවයි.

මෙම තත්වයෙහි අනාගත ප්‍රතිවිපාක අතිශය දරුණු තත්වයන් ඇත කරන බව කිව යුතුය.

වෛදික මූලධර්ම සහ නූතන භූ-දේශපාලනික ප්‍රවණතා සංසන්දනය කිරීමේදී නිගමන තුනකට එළඹිය හැකිය 

රාජ්‍ය නායකයන්ගේ මාරක අපල සම්බන්ධයෙන් බෘහත් සංහිතාවේ 'කූර්ම විභාග' පරිච්ඡේදයට අනුව, දක්වා ඇත බව කිවයුතුය.

මධ්‍ය දේශයට අයත් රාශි (විශේෂයෙන් මීන සහ මේෂ රාශි ආශ්‍රිතව) පීඩාවට පත්වීම නිසා කලාපීය නායකයෙකුගේ හදිසි නික්මයාමක් හෝ බල පෙරළියක් ඉදිරි මාස කිහිපය තුළ අපේක්ෂා කළ හැකිය.

සීමාන්තික යුද ප්‍රසාරණය සඳහා "පක්ෂ දෝෂය" නිසා ඇතිවන මානසික ආතතිය (Mass Hysteria) රාජ්‍ය තාන්ත්‍රික සාකච්ඡා අසාර්ථක වීමට බලපායි. මෙය ලෝක යුද්ධයකට සමාන පසුබිමක් (Global Scale Conflict) නිර්මාණය කිරීමේ උත්ප්‍රේරකයක් විය හැකි බව අපගේ මතයයි.

එපමණක් ද නොව ස්වභාවික විපත් ඇතිවීමට  ග්‍රහණ බලපෑම ඍජුව හේතුවෙයි. ඒ නිසා පෘථිවි අභ්‍යන්තරයේ සිදුවන චලනයන් හේතුවෙන් යුද පීඩිත කලාපවලම ප්‍රබල භූමිකම්පා වැනි ස්වභාවික විපත් සිදුවීමේ සම්භාවිතාව මානසාගරී මූලධර්ම අනුව ඉහළය.

මහා භාරත යුද්ධය දින 18 කින් නිම වුවද, එහි ප්‍රතිවිපාක වසර දහස් ගණනක් පවතින 'කාලි යුගය' උදා කළේය. ඒ හා සමානව, 2026 වර්ෂයේ පවතින මෙම ග්‍රහණ දෝෂය මධ්‍ය දේශයේ යුද්ධය හරහා ලෝක බල තුලනය සම්පූර්ණයෙන්ම වෙනස් කරන නව "ලෝක පටිපාටියක" (New World Order) ආරම්භය සනිටුහන් කරනු ඇති බව ප්‍රකාශ කළ යුතුය.

මෙම ග්‍රහණ මාලාව ශ්‍රී ලංකාවේ ආර්ථික සහ දේශපාලනික ස්ථාවරත්වයට බලපාන ආකාරය පිළිබඳව ඉදිරියේ දී තවදුරටත් විශ්ලේෂණාත්මක ලිපියක් ඉදිරිපත් කරන බලාපොරොත්තුවෙන් ඔබෙන් තාවකාලිකව සමුගනිමි ෴

එම්. එම්. රෝහණ වසන්ත ෴ 0714161082

© M. M. Rohana Wasantha

Cover Story - කවරයේ කථාව ෴

© M. M. Rohana Wasantha

ගුරු හංස යෝගය : පොරොන්දුව සහ ගැටළු

© M. M. Rohana Wasantha

නූතන නැකැත්කරණයේ ශාස්ත්‍රීය පරිහානිය

මූලධර්මීය පදනම ප්‍රතිෂ්ඨාපනය කිරීම සඳහා ප්‍රවේශයක් සඳහා D-60, ආත්මකාරක සහ කාල චක්‍ර නියමයන් පිළිබඳ විමර්ශනාත්මකව මුහුර්තකරණයෙහි යෙදිය යුතු බව අවධාරණය කිරීමේ පදනමින් සැකසෙන ශාස්ත්‍රීය ලිපියක් ලෙස ඔබට මෙම ලිපිය ඉදිරිපත් කරමි.

පරාශර හෝරා ශාස්ත්‍රයට අනුව ග්‍රහයෙකුගේ සූක්ෂ්ම බලය තීරණය වන ඉහළම වර්ග සටහන වන්නේ ෂෂ්ට්‍යාංශයයි. රටේ ඇතැම් ජ්‍යෝතිර්වේදීන් පෙන්වා දෙන නැකැත් සැකසීමේදී රාශිය හෝ නවාංශය පමණක් සැලකීම ප්‍රමාණවත් නොවන බව සැලකිය යුතුය.

මුහූර්තයක "ශුද්ධිය" තීරණය වන්නේ එම මොහොතේ උදාවන ෂෂ්ට්‍යාංශයේ දේවතාංශය (Deity of D-60) අනුවය. එය 'ඝෝර', 'රාක්ෂස' හෝ 'මෘත්‍යු' වැනි අසුබ දේවතාංශයක පවතී නම්, බාහිරින් පෙනෙන පංචාංග ශුද්ධියෙන් පලක් නැත.

"සර්වේෂු පලජාතේෂු ෂෂ්ට්‍යාංශං ප්‍රධානකම්" (බෘහත් පරාශර හෝරා ශාස්ත්‍රය).

එනම් සියලු ඵල තීරණය කිරීමේදී D-60 ප්‍රධාන වන බවයි.

ඉෂ්ට දේවතානුස්මරණය සහ මන්ත්‍ර සාධනයේ තාර්කික පදනම නොසලකා හැර මුහුර්තකරණයෙහි යෙදීම තවත් ප්‍රබල ශාස්ත්‍රීය දුබලතාවකි.

ඉෂ්ට දේවතාවා හඳුනාගැනීම හුදු නාමමාත්‍රික විශ්වාසයක් නොව, එය ජෛමිණී චරකාරක (Jaimini Chara Karaka) සිද්ධාන්තය මත පදන වූ ගණිතමය නිශ්චයකි.

එය ගණිතමය ක්‍රියාවලියක් ඇසුරෙන් පරීක්ෂා කළ යුතු කරුණකි. ආත්මකාරක ග්‍රහයා (Atmakaraka) නවාංශ කේන්ද්‍රයේ (D-9) තැන්පත් භාවයෙන් (කරකාංශය) 12 වැන්නේ තැන්පත් වූ හෝ එම භාවය දකින ග්‍රහයා හෝ එහි අධිපති ග්‍රහයා අනුව ඉෂ්ට දේවතාවා තීරණය කළ යුතුය.

වර්තමාන චාරිත්‍රයන්හිදී මන්ත්‍ර සාධනයකින් හෝ නිවැරදි ඉෂ්ට දේවතා ප්‍රාර්ථනයකින් තොරව සිදුකරන "වැඩ ඇල්ලීම" තුළින් අපේක්ෂිත ආධ්‍යාත්මික ශක්තිය (Metaphysical Energy) ජනනය නොවන බව අවධාරණය කළ යුතුය. මන්ත්‍ර ශක්තියෙන් තොර නැකතක් "ප්‍රාණය නැති ශරීරයක්" වැනිය.

මූර්තකරණයේ දී බොහෝ ජ්‍යෝතිර්වේදීන් වෙතින් අතහැරෙන අභිමුඛ දිශාව සහ කාල චක්‍ර (Time-Cycle Corrections and Directions) දෝෂ තත්ත්වයන් නොසලකා කටයුතු කිරීම ප්‍රධාන දුර්වලතාවයකි.
සාමාන්‍යයෙන් නැකැත් සීට්ටුවේ දැක්වෙන දිශාව තීරණය කිරීමේ දී සාමාන්‍ය 'ලග්න දිශාව' පමණක් සැලකීම ප්‍රායෝගිකව අසාර්ථක බව විමර්ශනාත්මකව පෙන්වා දිය යුතුය.

දිශාව තීරණය කිරීමේදී ග්‍රහ, උපග්‍රහ (Gulika/Mandi), මෘත්‍යු, යෝගිනි, පරිඝ සහ දණ්ඩ යන කාල චක්‍රීය නියමයන් සැලකිය යුතුය.

උදාහරණයක් වශයෙන් සුබ දිශාව දකුණ වුවද, එම මොහොතේ දකුණු දිශාවට 'පරිඝ දණ්ඩ' හෝ 'යෝගිනි' බලපෑමක් පවතී නම් එය මරණීය දෝෂයක් (Fatal Affliction) ඇති කරයි. විශේෂයෙන්ම 'සහාංශ' හෙවත් සහමයන් (Sahamsa) අනුරූප දිශා නියමයන් මගින් නිශ්චිත කටයුත්තට අදාළ සූක්ෂ්ම දිශාව තෝරාගත යුතුය.

නූතන මෘදුකාංග ඇසුරින් මෙම කරුණුවල ඇති දත්ත සත්‍යාපනය (Verification via Professional Software) කරගත හැකි බව කිව යුතුය.

මෙම ශාස්ත්‍රීය කරුණු පරීක්ෂා කිරීමේදී Jagannatha Hora, Sri Jyoti Star සහ Devaguru වැනි උසස් මෘදුකාංග භාවිත කිරීමේ අවශ්‍යතාව මෙහිදී අවධාරණය කළ යුතුය.

මෙම තාක්ෂණික මෙවලම් භාවිතයෙහි ඇති ප්‍රායෝගික වාසිදායක තත්වය වන්නේ මේවා හරහා ඉතා කෙටි කාල පරාසයන් (Vighati/Lipta) තුළ ෂෂ්ට්‍යාංශ දේවතාංශය සහ අෂ්ටකවර්ග (Ashtakavarga) බලය ක්ෂණිකව ගණනය කළ හැකි වීමයි.

සාම්ප්‍රදායික පංචාංග ලිතකින් බැලිය නොහැකි 'සූක්ෂ්ම ලග්නය' සහ 'ප්‍රාණ ලග්නය' මෙවැනි මෘදුකාංග මගින් තත්පරයට නිවැරදිව ලබාගත හැක. අවුරුදු නැකැත් සීට්ටුව සැකසීමේදී මෙවැනි තාක්ෂණික මෙවලම් භාවිත නොකිරීම නිසා රටම අසුබ කාල හෝරාවකට තල්ලු කිරීමේ අවදානමක් පවතී.

පූර්ණ ජ්‍යෝතිෂ විගණනයක් (A Complete Astrological Audit) ලෙස මෙම ලිපිය ඔබට ඉදිරිපත් කරමි.

ඉන් කියැවෙන කරුණු අතර D-60 මගින් මුහූර්තයේ ආධ්‍යාත්මික පාරිශුද්ධිය තහවුරු කළ යුතුය.

ආත්මකාරක පදනම් කරගත් ඉෂ්ට දේවතා බලය චාරිත්‍රයට එක් කළ යුතුය.

කාල චක්‍ර නියමයන් මගින් දිශා සහ කාල දෝෂ අවම කළ යුතුය.

මෙම ශාස්ත්‍රීය ප්‍රවේශය අනුගමනය නොකරන තාක් කල්, සිංහල අවුරුදු නැකැත් පද්ධතිය යනු හුදු සංස්කෘතික ප්‍රදර්ශනයක් මිස ජාතියේ අභිවෘද්ධිය සලසන විද්‍යාත්මක ක්‍රියාවලියක් නොවන බව අවධාරණය කළ යුතුය.


0714161082 

© M. M. Rohana Wasantha 

එම්. එම්. රෝහණ වසන්ත

යෝගකාරක හා 22 වන දේර්කාණාධිපති භීතිකාව

වෛදික ජ්‍යොතිෂයට අනුව, කේන්ද්‍රයක සිටින බලවත්ම ග්‍රහයා ලෙස සලකන යෝගකාරක ග්‍රහයා, අසුභ ඵල දෙන 22 වැනි දෙර්කාණාධිපති (Kharesha) බවට පත්වීම සැබවින්ම සංකීර්ණ තත්ත්වයකි. මෙය "රත්තරන් පිහියකින් ඇනීමක්" වැනි ක්‍රියාවක් ලෙස පැරණි සෘෂිවරුන් හඳුන්වා දී ඇත.

මේ පිළිබඳව මූලධර්ම හා සෘෂි භාෂිත  විග්‍රහයන් කවරේදැයි විමසා බැලිය යුතුය.

1. යෝගකාරක සහ 22 වැනි දෙර්කාණාධිපති යනු කවුද?

කේන්ද්‍ර ස්ථානයක (1, 4, 7, 10) සහ ත්‍රිකෝණස්ථානයක (1, 5, 9) අධිපතිත්වය දරන ග්‍රහයායි. මොහු ජන්යාමියාට වාසනාව, දියුණුව සහ ආරක්ෂාව සපයයි.

ලග්න ස්ඵුටයේ සිට හරියටම අංශක 210 කින් ආරම්භ වන දෙර්කාණ 22වන දේර්යකාණයයි. දේර්කාණ ගණනයේ ඇති පරිවෘත්තිය දේර්කාණ ව්‍යතිරේකය මෙහි දක්වා නැති බව කිව යුතුය.

පරාශර හෝරාවට අනුව මොහු "මෘත්‍යු" (මරණය) හෝ දැඩි පීඩාව නියෝජනය කරන අතිශය අසුභ ග්‍රහයෙකි.

පරාශර සෘෂිවරයාගේ "බෘහත් පරාශර හෝරා ශාස්ත්‍රය" (BPHS) සහ වරාහමිහිරයන්ගේ "බෘහත් ජාතකය" යන ග්‍රන්ථවල මේ පිළිබඳව ඉඟි සපයා ඇත.

 "ත්‍රිංශාංශේ මෘත්‍යුභාගේ වා ඛරේ දෘෂ්ටේ'ථවා යුතේ"

මෙහි අර්ථය වන්නේ 22 වැනි දෙර්කාණාධිපති (ඛර) සමඟ සම්බන්ධ වන ඕනෑම සුභ ග්‍රහයෙකුගේ බලය හීන වන බවයි.

යෝගකාරකයා 22 වැනි දෙර්කාණාධිපති වූ විට සිදුවන දේ මෙසේ වර්ගීකරණය කළ හැකිය.

යෝග සම්පත් ප්‍රාප්ත වීමට දැඩි බාධා පැමිණීම 

ජන්ම පත්‍රයේ ආයු බලය දුර්වල නම්, යෝගකාරකයාගේ මහ දශාව තුළ සෞඛ්‍ය ගැටලු ඇතිවිය හැක.

තමන්ත අතටම පත්වූ අවස්ථාවන් තමා අතින්ම ගිලිහී යාම නිසා ඇතිවන පශ්චාත්තාපය. 

වැනි තත්වයන් ඒ තුළ ඇතිවිය හැකිය.

මෙය ප්‍රශ්නයක් ද? (Is it a problem?)

පිළිතුර ඔව්, නමුත් එය තීරණය වන්නේ ග්‍රහයා පිහිටි ස්ථානය අනුවයි.

යෝගකාරකයා බලවත් නම් (උදා: ස්වක්ෂේත්‍ර හෝ උච්චව 1, 4, 5, 7, 9, 10 සිටීම) - මෙහිදී අසුභ ඵල යටපත් කර සුභ ඵල දීමට ඔහු උත්සාහ කරයි. නමුත් එම සැපය ලබා දෙන්නේ විශාල වෙහෙසක් හෝ මානසික පීඩනයක් ලබා දීමෙන් පසුවයි.

යෝගකාරකයා දුර්වල නම්: (උදා: 6, 8, 12 හෝ නීච වීම) - මෙය බරපතල තත්ත්වයකි. යෝගකාරකයාගේ මහ දශාව තුළ අපේක්ෂිත දියුණුව වෙනුවට නීතිමය ප්‍රශ්න, රෝගාබාධ හෝ ධන හානි සිදුවිය හැක.

ප්‍රායෝගිකව නිදසුනක් ලෙස කටක ලග්නය සලකන්න. කටක ලග්නයට අඟහරු (Mars) යෝගකාරකයා වේ. යම් හෙයකින් අඟහරු 8 වැන්නේ (කුම්භ රාශියේ) තැන්පත් වී ඔහු 22 වැනි දෙර්කාණාධිපති වුවහොත්,

 ජාන්මියාට දේපළ ලැබීමට වාසනාව තිබුණද, එම දේපළ නිසා නඩුහබ හෝ සහෝදරයන් සමඟ වෛරයක් ඇතිවිය හැකිය.

සාමාන්‍ය ව්‍යවහාරයට අනුව යෝගකාරකයා 22 වැනි දෙර්කාණාධිපති වීම යනු "මිශ්‍ර ඵල" දෙන පිහිටීමකි. එය සම්පූර්ණයෙන්ම අසුභ නොවේ. එම ග්‍රහයා නවාංශක කේන්ද්‍රයේ (D9) බලවත් වී ඇත්නම් අසුභ තත්ත්වය බොහෝ දුරට මගහැරී යයි. නමුත් මේ සඳහා විමසා බැලිය යුතු ප්‍රබල පැතිකඩ ගණනාවක් වෙයි.

වෛදික ජ්‍යොතිෂයේ විවිධ ගුරුකුල (Schools of Thought) සහ සම්ප්‍රදායන් අනුව යෝගකාරකයා 22 වැනි දෙර්කාණාධිපති (Kharesha) වීම සම්බන්ධයෙන් විශේෂ ව්‍යතිරේක (Exceptions) සහ සහනදායී මතයන් පවතී. 

කේවල ග්‍රහ බලයට වඩා සමස්ත කේන්ද්‍රයේ ව්‍යුහය දෙස බැලිය යුතු බව එම ගුරුකුලවල මතයයි.

ප්‍රධාන ගුරුකුල ආශ්‍රිතව පවතින ව්‍යතිරේක කිහිපයක් පහත විමසා බලමු.

භාව පූතෘ ගුරුකුල මතය (Nodal Balance)

පැරණි දකුණු ඉන්දීය ගුරුකුල අනුව, යෝගකාරකයා 22 වැනි දෙර්කාණාධිපති වුවද, ඔහු නවාංශක කේන්ද්‍රයේ (D9) බලවත් නම් (වර්ගෝත්තම හෝ මිත්‍ර රාශිගතව), දෙර්කාණයේ අසුභ ඵලය අවලංගු වන බව කියවේ.

මේ සඳහා බලපාන්නේ "රාශි චක්‍රයේ ශරීරය දෙර්කාණය නම්, එහි ආත්මය නවාංශකයයි." ආත්මය ශක්තිමත් නම් ශරීරයේ ඇති රෝග (අසුභ ඵල) මැඩපැවැත්විය හැකි බවයි. 

ගුණාකර සහ ඵලදීපිකා සම්ප්‍රදාය

මංත්‍රේශ්වර පණ්ඩිතයන්ගේ "ඵලදීපිකා" ග්‍රන්ථයේ ඉඟි කරන පරිදි, යෝගකාරකයා පහත අවස්ථාවලදී 22 වැනි දෙර්කාණාධිපති වුවද අසුභ ඵල නොදෙන බවයි.

ග්‍රහයා තමාටම අයත් රාශියක සිටී නම්, තමාගේම නිවස විනාශ නොකරන රීතිය (Self-preservation) අනුව අසුභය මගහැරෙන බව එහි අභ්‍යුපගමනයයි.

පරම සෞම්‍ය ග්‍රහයෙකු ලෙස සලකන ගුරු (බෘහස්පති) වැනි පූර්ණ ශුභ ග්‍රහයෙකුගේ දෘෂ්ටියට යෝගකාරකයා ලක්වේ නම්, "ඛර" දෝෂය භංගවන බව දක්වා ඇත.

ස්ථානීය ව්‍යතිරේක (Positional Exceptions)

අවඅවස්ථාවක් ලෙස ඇතැම් ගුරුකුල උගන්වන්නේ 22 වැනි දෙර්කාණාධිපති වුවද, එම ග්‍රහයා 3, 6, 11 (උපචය ස්ථාන) වැනි රාශියක තැන්පත් වීම "විපරීත රාජ යෝග" ලක්ෂණ මතු කරන බවයි.

මෙහි දී මුල දී බාධා ඇති වුවද, අවසානයේ දී ජාන්මියා ජයග්‍රහණය ලබන බව දැකගත හැකිය.

ගුරුකුල මගින් පිළිගත් විශේෂ ව්‍යතිරේක කිහිපයක් මෙලෙස දැක්විය හැකිය

ශනි යෝගකාරක වී (තුලා/වෘෂභ ලග්න) 22 වැනි දෙර්කාණාධිපති වුවද, ඔහු ආයුෂ කාරකයා බැවින් මරණ බිය ඇති නොකරයි. දියුණුව පමා කරයි පමණි. 

ගුරු (බෘහස්පති) කටක හෝ වෘශ්චික ලග්න හිමියන්ට ගුරු 22 වැනි දෙර්කාණාධිපති වුවත්, ඔහුගේ ස්වභාවික ශුභත්වය නිසා අසුභය අවම කර ධාර්මික දියුණුවක් ලබා දෙයි.

ලග්න ස්ඵුටය සහ අංශක පරීක්ෂාව

බොහෝ ගුරුකුල අවධාරණය කරන වැදගත්ම ව්‍යතිරේකය වන්නේ අංශක ගණිතයයි.

යෝගකාරකයා 22 වැනි දෙර්කාණයට අයිති රාශියේ සිටියද, ඔහු එම දෙර්කාණය ආරම්භ වන අංශකයට වඩා බොහෝ ඈතින් (උදාහරණයක් ලෙස රාශියේ මුල් අංශක 1-5 අතර) සිටී නම්, ඔහුට "ඛර" අධිපතිත්වය බලපාන්නේ නැත.

යෝගකාරකයා 22 වැනි දෙර්කාණාධිපති වීම "දෝෂයක්" ලෙස සැලකුවද, එය නිරපේක්ෂ (Absolute) විනාශයක් නොවේ. එය ජන්මියාට සිය ජයග්‍රහණ ලබා ගැනීමට පෙර දැඩි කැපකිරීමක් සහ පරීක්ෂාවකට ලක් කරන "පරීක්ෂණ පත්‍රිකාවක්" බඳුය.

මෙම තත්ත්වය වඩාත් පැහැදිලි කර ගැනීමට ඔබේ කේන්ද්‍රයේ යෝගකාරක ග්‍රහයා සිටින රාශිය මත පදනම්ව පරීක්ෂා කළයුතු වන බැවින් තනි තීරණවලට නොඑළඹිය යුතුය.

ඔබේ කේන්ද්‍රයේ තත්වය කුමක්දැයි තීරණය කිරීමට අපහසු නම් එය ඔබට පැහැදිලි කර දිය හැකිය.

එම්. එම්. රෝහණ වසන්ත

0714161082